قازاقستاندا ەلەكتروساموكاتتاردىڭ قاتىسۋىمەن بولاتىن جول اپاتتارى مەسەلەسٸ قايتا كٶتەرٸلدٸ, دەپ حابارلايدى dalanews.kz.
ٸشكٸ ٸستەر مينيسترلٸگٸ ٷكٸمەت وتىرىسىندا ەل بويىنشا كەمٸندە 2 مىڭ شاقىرىم ۆەلوجول قاجەت ەكەنٸن مەلٸمدەدٸ. بۇل مەسەلە الماتىدا ساموكات مٸنگەن 54 جاستاعى ەر ادامنىڭ جول اپاتىنان قازا تاپقانىنان بٸرنەشە كٷن ٶتكەن سوڭ ايتىلدى.
18 قىركٷيەكتە الماتىنىڭ شىعىس اينالما جولىندا 54 جاستاعى ەر ادام ەلەكتروساموكاتپەن جٷرٸپ كەلە جاتىپ قازا تاپقان. پوليتسييانىڭ الدىن الا مەلٸمەتٸنشە, ونىڭ جىلدامدىعى ساعاتىنا شامامەن 90 شاقىرىم بولعان. ول جولدىڭ سول جاق جيەگٸمەن قوزعالىپ, كٶلٸكتٸ باسىپ وزباق بولعان كەزدە باسقارۋدى جوعالتىپ, اسفالتقا قۇلاعان. ەر ادام العان جاراقاتىنان وقيعا ورنىندا كٶز جۇمدى.
پوليتسييانىڭ مەلٸمەتٸنشە, جىل باسىنان بەرٸ الماتىدا ەلەكتروساموكاتتاردىڭ قاتىسۋىمەن 91 جول-كٶلٸك وقيعاسى تٸركەلٸپ, 96 ادام جاراقات العان. 18 قىركٷيەكتەگٸ جاعداي قالاداعى بيىلعى العاشقى ٶلٸممەن اياقتالعان ساموكات اپاتى رەتٸندە تٸركەلدٸ.
وسى مەسەلەگە ٷكٸمەت وتىرىسىندا ٸشكٸ ٸستەر مينيسترلٸگٸ دە نازار اۋداردى.
ٸٸم ٶكٸلٸنٸڭ ايتۋىنشا, ساموكاتتارعا قاتىستى تالاپ زاڭمەن رەتتەلگەن. قازٸر ولاردىڭ تروتۋارمەن جٷرۋٸنە تىيىم سالىنعان. ەلەكتروساموكات جٷرگٸزۋشٸلەرٸ ۆەلوجولمەن نەمەسە ۆەلوجولاقپەن جٷرۋٸ تيٸس, ال مۇنداي ينفراقۇرىلىم بولماعان جاعدايدا جولدىڭ تيٸستٸ بٶلٸگٸمەن قوزعالادى.
الايدا مينيسترلٸك ساموكاتتارعا قويىلعان جاڭا تالاپتاردى ورىنداۋ ٷشٸن ٶڭٸرلەردە تيٸستٸ ينفراقۇرىلىم بولۋى قاجەت ەكەنٸن اتاپ ٶتتٸ.
قازاقستان بويىنشا كەمٸندە 2 مىڭ شاقىرىمنان استام ۆەلوجول قاجەت. قازٸرگٸ تاڭدا ەلدە نەبەرٸ 937 شاقىرىم ۆەلوجول بار.
«ولجاس ابايۇلى! وسى زاڭدى ەزٸرلەۋ بارىسىندا سٸز ەكٸ جىل بويى ۆەلوسيپەد ينفراقۇرىلىمىن دامىتۋ قاجەتتٸگٸنە بٸرنەشە رەت نازار اۋداردىڭىز. تيٸستٸ تاپسىرمالار بەرٸلدٸ. الايدا ٶڭٸرلەردە بۇل مەسەلە تيٸستٸ دەڭگەيدە شەشٸلٸپ جاتقان جوق. قازاقستان بويىنشا كەمٸندە 2 مىڭ شاقىرىم ۆەلوجول قاجەت. بٷگٸندە ٸس جٷزٸندە نەبەرٸ 937 شاقىرىم ۆەلوجول بار. بۇل مەسەلە ەسٸرەسە مەگاپوليستەر ٷشٸن ٶزەكتٸ. مىسالى, الماتىدا 12 مىڭنان استام ساموكات بار, ال ۆەلوجولداردىڭ ۇزىندىعى نەبەرٸ 89 شاقىرىم», – دەدٸ ٸٸم ٶكٸلٸ ٷكٸمەت وتىرىسىندا.
مەسەلە ەسٸرەسە ٸرٸ قالالار ٷشٸن ٶزەكتٸ. مىسالى, الماتىدا 12 مىڭنان استام ساموكات بار, ال ۆەلوجولداردىڭ ۇزىندىعى 89 شاقىرىمدى قۇرايدى. الماتى ەكٸمدٸگٸنٸڭ مەلٸمەتٸنشە, قالاداعى ۆەلوينفراقۇرىلىمنىڭ جالپى ۇزىندىعى دا 89 شاقىرىم شاماسىندا.
ٸٸم مەلٸمەتٸنشە, ساموكاتتاردىڭ تروتۋاردان شىعارىلۋى جول قاۋٸپسٸزدٸگٸنە قاتىستى تالاپتاردىڭ كٷشەيۋٸمەن بايلانىستى. سونىمەن قاتار مينيسترلٸك ەكٸمدٸكتەر تيٸستٸ ينفراقۇرىلىمدى قامتاماسىز ەتۋٸ كەرەك ەكەنٸن ايتتى.
بۇعان دەيٸن باس پروكۋراتۋرا دا 2026 جىلعى 25 تامىزدان باستاپ ەلەكتروساموكاتتاردىڭ تروتۋارلار مەن جاياۋ جٷرگٸنشٸلەر جولدارىمەن جٷرۋٸنە تىيىم سالىنعانىن حابارلاعان. ۆەلوجول نەمەسە ۆەلوجولاق بار بولسا, ساموكاتشىلار سول جولمەن جٷرۋٸ تيٸس. ال ولار بولماعان جاعدايدا جولدىڭ وڭ جاق شەتٸمەن نەمەسە جول جيەگٸمەن قوزعالۋ تالاپ ەتٸلەدٸ.
مەسەلە ساموكاتتاردىڭ ٶزٸمەن عانا شەكتەلمەيدٸ. ٸٸم جول قوزعالىسىنا قاتىسۋشىلاردىڭ قاۋٸپسٸزدٸگٸن قامتاماسىز ەتۋ ٷشٸن ينفراقۇرىلىم قاتار دامۋى قاجەت ەكەنٸن اتاپ ٶتتٸ.
مينيسترلٸك قازاقستان بويىنشا ۆەلوجولدار جەلٸسٸن كەڭەيتۋ مەسەلەسٸن ەكٸمدٸكتەردٸڭ كٷن تەرتٸبٸندە تۇرعان ماڭىزدى مٸندەتتەردٸڭ بٸرٸ رەتٸندە كٶرسەتتٸ.
