اقتاۋلىق بلوگەر ازامات سارسەنبايەۆتىڭ اكىمشىلىك جاۋاپكەرشىلىككە تارتىلۋىنا بايلانىستى تۇسىنىكتەمە ماڭعىستاۋ وبلىسىنىڭ سىبايلاس جەمقورلىققا قارسى قىزمەتىنىڭ Instagram پاراقشاسىندا جاريالاندى. بۇل پىكىر بلوگەردىڭ ءوزىن ۇستاۋ تۋرالى جازباسىنا قالدىرىلعان، دەپ حابارلايدى Dalanews.kz.
جەلى قولدانۋشىلارى بۇل ىسكە بەلسەندى ارالاسىپ، وبلىستىق انتيكوررۋپسيالىق قىزمەتتى بەلگىلەپ، ۆەدومستۆونىڭ ورتالىق اپپاراتى مەن اكىمدىككە، ءتىپتى پرەزيدەنتكە دەيىن نازار اۋدارتۋعا تىرىستى.
"ايىپتى نەگىزدەي المادى"
انتيكوررۋپسيالىق قىزمەت وكىلدەرىنىڭ ايتۋىنشا، سارسەنبايەۆ سوتتا "قامقورلىق" جايلى مالىمدەمەسىن ناقتى دالەلدەرمەن راستاي الماعان.
"ازامات سارسەنبايەۆتىڭ ق ر اقبتك-نىڭ 73-3-بابى بويىنشا – سىبايلاس جەمقورلىققا قارسى قىزمەتكە جالا جاپقانى ءۇشىن اكىمشىلىك جاۋاپكەرشىلىككە تارتىلۋىنا بايلانىستى پىكىر بىلدىرگىمىز كەلەدى. بۇل ازامات ءوزىن بلوگەر جانە ب ا ق وكىلى رەتىندە تانىستىرادى. ول ءوزىنىڭ جازباسىندا انتيكوررۋپسيالىق قىزمەتتىڭ قوعامدىق تاماقتانۋ نىساندارىنىڭ ءبىرىن 'قامقورلىققا العانى' تۋرالى ناقتى سەنىممەن مالىمدەگەن. الايدا ول جازباسىندا دا، سوت وتىرىسىندا دا بۇل مالىمدەمەسىن دالەلدەيتىن ناقتى ايعاق كەلتىرمەگەن".
بلوگەر زاڭ تالاپتارىن بۇزدى ما؟
ۆەدومستۆو وكىلدەرى بلوگەردىڭ ارەكەتىن زاڭ نورمالارىنا قايشى دەپ باعالايدى.
"قازاقستان رەسپۋبليكاسىنىڭ 'ونلاين-پلاتفورمالار جانە ونلاين-جارناما تۋرالى' زاڭىنىڭ 17-بابىنا سايكەس، بلوگەرلەر دە، وزگە ازاماتتار سياقتى، جاريالايتىن اقپاراتتىڭ شىنايىلىعىن تەكسەرۋگە مىندەتتى. سوندىقتان بۇل ازاماتتىڭ جاريا قىزمەتى جالعان اقپارات تاراتپاۋ جانە وزگە تۇلعالاردىڭ قۇقىقتارى مەن زاڭدى مۇددەلەرىن ساقتاۋ مىندەتىن جۇكتەيدى".
ولار سونىمەن قاتار بلوگەردىڭ قازاقستاندا ءسوز بوستاندىعى جوق دەگەن مالىمدەمەسىمەن كەلىسپەيتىنىن ءبىلدىردى.
"قازاقستاندا پىكىر بىلدىرۋگە ەركىندىك بەرەتىن زاڭنامالىق بازا قالىپتاسقان. زاڭ بويىنشا كەز كەلگەن ازاماتقا نەمەسە مەملەكەتتىك ورگانعا قاتىستى ار-نامىسى مەن قادىر-قاسيەتىن قورلايتىن نەمەسە بەدەلىنە نۇقسان كەلتىرەتىن جالعان مالىمەت تاراتقان ارەكەت ءۇشىن جاۋاپكەرشىلىك قاراستىرىلعان. سوت شەشىمى — ماڭعىستاۋ وبلىستىق پوليسيا دەپارتامەنتى تولتىرعان اكىمشىلىك حاتتاما نەگىزىندە شىعارىلدى. ازامات سارسەنبايەۆقا دا ءوز مالىمدەمەسىن دالەلدەۋگە مۇمكىندىك بەرىلدى، ءبىراق ول دالەل كەلتىرمەدى. سوت بۇل مالىمەتتەردىڭ شىندىققا جاناسپايتىنىن انىقتادى".
ادۆوكاتتىڭ ءۋاجى
ازامات سارسەنبايەۆتىڭ ادۆوكاتى Lada.kz تىلشىسىنە بەرگەن تۇسىنىكتەمەسىندە بلوگەردىڭ قازىرگى تاڭدا قاماۋدا ەكەنىن راستادى. اپەللياسيالىق شاعىم ءالى قارالعان جوق. ادۆوكاتتىڭ ايتۋىنشا، زاڭ بويىنشا ق ر اقبتك-نىڭ 73-3-بابى بويىنشا (جالا جابۋ) تەك جەكە تۇلعالار عانا ارىزدانا الادى.
"مەنىڭ قورعاۋىمداعى ازامات ءوز جازباسىندا ناقتى تۇلعالاردى — ءاتى-جونىن اتاماعان، سوندىقتان بۇل باپپەن ءىستى قوزعاۋ زاڭعا سايكەس كەلمەيدى"، – دەدى قورعاۋشى.
ەسكە سالايىق
اقتاۋلىق بلوگەر ازامات سارسەنبايەۆ Instagram جەلىسىندە ۆيدەو ءۇزىندىسىن جاريالاعانى ءۇشىن 20 تاۋلىككە قامالعان بولاتىن.
