اقتاۋ قالاسى اكىمىنىڭ بۇرىنعى ورىنباسارى تيمۋر ءسادۋاقاسوۆقا ىزدەۋ جاريالاندى، دەپ حابارلايدى Dalanews.kz.
"2025 جىلعى 5 اقپاندا ىزدەستىرۋ تۋرالى ءىس سولتۇستىك قازاقستان وبلىسىندا تىركەلدى. باستاماشى — سوت. ىزدەستىرۋدى جۇرگىزەتىن ورگان: قازاقستان رەسپۋبليكاسى قارجى مونيتورينگى اگەنتتىگىنىڭ سولتۇستىك قازاقستان وبلىسى بويىنشا ەكونوميكالىق تەرگەۋ دەپارتامەنتى"، — دەپ جازىلعان ءسادۋاقاسوۆتى ىزدەستىرۋ كارتوچكاسىندا.
ىزدەستىرۋ سەبەبى انىقتامادا ناقتىلانباعان، ءبىراق تيمۋر ءسادۋاقاسوۆ سولتۇستىك قازاقستان وبلىسىنداعى تيتان-سيركونيي كەندەرىن ءوندىرۋشى وبۋحوۆ تاۋ-كەن بايىتۋ كومبيناتىنا قاتىستى اتىشۋلى ىستە فيگۋرانت ەكەنى بەلگىلى. 2025 جىلعى قاڭتاردا اپەللياسيالىق ساتى بۇل ءىس بويىنشا اقتاۋ ۇكىمىنىڭ كۇشىن جويدى، سوتتالۋشىلار قاماۋعا الىندى، ءبىراق تيمۋر ءسادۋاقاسوۆتىڭ بۇل كەزدە ەلدە بولماعان.
ايتا كەتەيىك، ءسادۋاقاسوۆ 2019 جىلعى اقپاندا اقتاۋ قالاسى اكىمىنىڭ ورىنباسارى بولىپ تاعايىندالعان.
