بيىل 130 مىڭ تونناعا دەيىن قىزىلشا وڭدەۋدى جوسپارلاپ وتىرعان زاۋىتتا قالدىق جومداردى نىعىزداپ ورايتىن نورۆەگيالىق قۇرىلعىلار ورناتىلۋدا. بۇل تۋرالى وبلىس اكىمى اماندىق باتالوۆتىڭ اقسۋ اۋدانىنا جاساعان ساپارى بارىسىندا بەلگىلى بولدى.
تالاي جىل تۇرالاپ قالعان اقسۋ زاۋىتى وتكەن ءجىلىىشىنارا جاڭارتىلعانى بولماسا، نەگىزىنەن 1967 جىلعى كونە قۇرىلعىلارىن جاماپ-جاسقاپ، جوندەۋدىڭ ارقاسىندا ىسكە قوسىلعان بولاتىن. زاۋىتتىڭ تامىرىنا قان جۇگىرتكەننەن كەيىن «جەتىسۋ» اكك مەن زاۋىت باسشىلىعى بىرلەسىپ فيزيكالىق تا، مورالدىق تۇرعىدا دا توزىعى جەتكەن قۇرال-جابدىقتاردى تولىقتاي قايتا جاڭعىرتۋعا كىرىستى.
بۇگىنگى كۇنى مۇندا رەسەيدەن، ۋكراينادان، گەرمانيادان، فرانسيادان، قىتايدان اكەلىنگەن زاماناۋي قۇرال-جابدىقتار ورناتىلىپ، جوندەۋ-جاڭعىرتۋ جۇمىستارى قىزۋ ءجۇرىپ جاتىر. زاۋىت ديرەكتورى سامات ناديربايەۆتىڭ ايتۋىنشا، جاڭعىرتۋدىڭ قازىرگى ەكىنشى كەزەڭىندەگىجوندەۋ-ىسكە قوسۋ جۇمىستارىنا 280 ادام تارتىلىپ وتىر. ولاردىڭ اراسىندا شەتەلدىك ماماندار دا بار. ال زاۋىت تولىق ىسكە قوسىلعاندا قىزىلشا وڭدەۋ ىسىنە جەرگىلىكتى 600 ادام جۇمىسقا قابىلداناتىن بولادى. بۇگىنگى كۇنگە دەيىن تەحنولوگيالىق قۇرالداردى جوندەۋ-ورناتۋ شامامەن 84 % اياقتالدى. زاۋىتتىڭ سىنامالىق ىسكە قوسۋ مەرزىمى 15 قىركۇيەككە، ال تولىق ىسكە قوسىلۋى 15 قازانعا بەلگىلەنىپ وتىر. 20 مىڭ توننا العاشقى قىزىلشا كولەمىن جيناپ العاننان كەيىن كاسىپورىن توقتاۋسىز جۇمىسقا كىرىسپەك.
ەگەر جوسپارلانعانىنداي بيىلعى جىلى 130 مىڭ توننا قانت قىزىلشاسى وڭدەلەتىن بولسا، ودان شامامەن 22 مىڭ توننا جوم الىنادى ەكەن. بۇرىن وتكىزىلەتىن ورىنعا جوم جۇك كولىگىندە اشىق-شاشىق كۇيدە تاسىمالدانىپ، جول بويى سۋى اعىپ، ءتيىستى جەرگە جەتكەنشە ساپاسى تومەندەپ كەتەتىن.
ال ەندى بيىلدان باستاپ جومدى پرەسستەپ، جاڭا قۇرىلعىمەن قاپتاماعا وراۋعا جاعداي جاسالىپ وتىر. ورالعان كۇيىندەگى جوم 2 جىلعا دەيىن ساپاسىن جوعالتپاي ساقتالادى. جانە ەشقانداي حيميكاتسىز، ەكولوگيالىق تازا ءونىم - مال بورداقىلاۋ الاڭدارى ءۇشىن تاپتىرماس ازىق. الداعى ۋاقىتتا بۇل دايىن ونىمدەردى وتاندىق نارىققا، سونىمەن قاتار شەتەلگە دە ەكسپورتتاۋعا مۇمكىندىك تۋماق.
زاۋىتتىڭ جوم تىعىزداۋ، قىزىلشا وڭدەۋ، دايىن ونىمدەردى قاپتاۋ جانە ت.ب. سەحتارىن ارالاپ كورگەن وبلىس اكىمى ا. باتالوۆ جىلۋ-ەلەكتر ورتالىعىنىڭ دايىندىعىن، وتىن قورى تۋرالى دا سۇراپ ءبىلدى. زاۋىت ماماندارىنىڭ ايتۋىنشا، ازىرگە جەو قازاندىقتارى ىسكە قوسۋعا دايىن. كەلەسى جىلى جاڭا جەو قۇرىلىسىن سالىپ، قازىرگى قولدانىستاعى قازاندىقتار رەزەرۆ رەتىندە پايدالانىلاتىن بولادى.
ساپار سوڭىندا وبلىس باسشىسى ا. باتالوۆ زاۋىت باسشىلىعىنا قاراتا:
- «جەتىسۋ» اكك ارقىلى بولىنگەن ءاربىر تيىن ءۇشىن ەسەپ بەرەسىزدەر. مەملەكەتتىڭ قارجىسى جاڭعىرتۋ، ىسكە قوسۋ جۇمىستارىنا ماقساتتى قولدانىلۋى كەرەك، - دەپ اتاپ ءوتتى.
سونداي-اق زاۋىتتىڭ جۇمىس ىستەۋى – جەرگىلىكتى حالىق ءۇشىن دە، وبلىس ەكونوميكاسى ءۇشىن دە ۇلكەن سەرپىلىس ەكەنىن ايتا كەلە:
– ەلباسىنىڭ تالابى – قانت قىزىلشاسىن ءوسىرۋ كولەمىن ارتتىرىپ، ونى وڭدەۋ ءىسىن جاڭا وزىق تەحنولوگيالار ارقىلى جولعا قويۋ. ءبىزدىڭ بۇل تاپسىرمانى ورىنداۋداعى باعىتىمىز ايقىن. يرريگاسيالىق جۇيلەردى قالپىنا كەلتىرۋگە يسلام بانكى ارقىلى قارجى تارتىپ، جۇمىس ىستەي باستادىق. قىزىلشا ءوسىرۋشى شارۋالارعا اگروتەحنيكالىق كومەك كورسەتىپ، ءونىم ساپاسىن ارتتىرۋعا ىقپال ەتىپ وتىرمىز. بيىلعى جىلى ءار گەكتاردىڭ شىعىمى وتكەن جىلعىدان دا جوعارىلاپ، جاقسى كورسەتكىشكە جەتەمىز دەپ جوسپارلاۋدامىز. وعان قوسا مەملەكەتتىك-جەكەمەنشىك ارىپتەستىك نەگىزىندە اقسۋ قانت زاۋىتىن ىسكە قوستىق. جاڭا تەحنولوگيالاردىڭ ارقاسىندا جىلدان جىلعا زاۋىتتاعى وڭدەلگەن قىزىلشانىڭ قانتتىلىعى دا ارتىپ، 14 %-كە جەتەدى دەپ وتىرمىز.اقسۋ زاۋىتى 2020-2021 جىلعا قاراي تولىق قۋاتىنا شىعىپ، 350 مىڭ تونناعا دەيىن قىزىلشا وڭدەيتىن بولادى، – دەدى قورىتىندى سوزىندە.
سونىمەن قاتار زاۋىتتا بىلىكتى كادرلاردى ۇستاپ تۇرۋ ءۇشىن ولارعا جاعداي جاساۋ كەرەكتىگىن ەسكەرتكەن وبلىس باسشىسى كاسىپورىننىڭ بىلىكتى ماماندارىن تۇرعىن ۇيمەن قامتۋ ماسەلەسىن شەشۋدى اۋدان اكىمى ءا. دالباعايەۆقا تاپسىردى.
