2025 جىلعى 1 قازاندا اقش-تىڭ قازاقستانداعى ديپلوماتيالىق ميسسياسى فەدەرالدى ۇكىمەتتىڭ جۇمىسىن ۋاقىتشا توقتاتا تۇرۋعا بايلانىستى مالىمدەمە جاسادى، دەپ حابارلايدى Dalanews.kz.
اقش-تىڭ قازاقستانداعى ەلشىلىگىنىڭ Instagram-داعى پاراقشاسىندا بىلاي دەلىنگەن:
"ۇكىمەتتىڭ قارجىلاندىرۋى مەن جۇمىسىنىڭ ۋاقىتشا توقتاتىلۋىنا بايلانىستى اتالعان اككاۋنتتا جۇمىس تولىق قالپىنا كەلتىرىلگەنگە دەيىن ادەتتەگىدەي تۇراقتى نەگىزدە حابارلامالار جاريالانبايتىن بولادى. تەك توتەنشە قورعانىس قاۋىپسىزدىگىنە قاتىستى ەرەكشە جاعدايدا عانا حابارلامالار ورنالاستىرىلادى".
قازىرگى ۋاقىتتا اقش جانە اقش-تىڭ شەتەلدىك ەلشىلىكتەرى مەن كونسۋلدىقتارىندا قولدا بار مۇمكىندىكتەرگە قاراي ءتولقۇجاتتار مەن ترانزيتتىك ۆيزالار بەرۋ بويىنشا جوسپارلانعان قىزمەتتەر جۇزەگە اسىرىلىپ جاتقانى دا ناقتىلانادى.
ايتا كەتسەك، 30 قىركۇيەكتە اقش سەناتى ەكى پارتيا تاراپىنان قارجىلاندىرۋدى جالعاستىرۋ تۋرالى زاڭ جوباسىن قابىلداي تاستامادى جانە سەسسيانى سارسەنبىگە دەيىن جاپتى. وسىدان كەيىن اق ءۇي مەملەكەتتىك ورگاندارعا جۇمىسىن توقتاتۋعا دايىندالۋدى بۇيىردى. 1 قازاندا اقش-تا ءۇكىمەت ۇسىنعان بيۋدجەتتى كونگرەستىڭ ماقۇلداماۋى فەدەرالدى بيلىكتىڭ جۇمىسىن توقتاتۋعا ءماجبۇر ەتتى. مۇنى "شاتداۋن" دەپ تە اتايدى. تەك اقش قارۋلى كۇشتەرى تولىق قۇرامدا ءوز جۇمىسىن جالعاستىرادى، فەدەرالدى قۇقىق قورعاۋ ورگاندارىنىڭ قىزمەتكەرلەرى دە شتاتتىق رەجيمدە جۇمىسقا شىعۋعا مىندەتتى. ءبىراق ولاردىڭ بۇل كەزەڭدەگى جۇمىسىنا اقى قاراستىرىلماعان. بۇل دونالد ترامپتىڭ كەزىندە ورىن العان ءتورتىنشى "شاتداۋن" ەكەنى دە ايتىلادى. "مەملەكەتتىك ورگاندار قايتا جۇمىسىنا كىرىسۋى ءۇشىن نەبارى بىرنەشە دەموكراتتىڭ رەسپۋبليكاشىلارعا قوسىلىپ الدارىندا جاتقان زاڭ جوباسى بويىنشا داۋىس بەرۋى، جەتكىلىكتى"، - دەيدى سەناتور دجون تۋن.
