AQSh úkimetindegi "shatdaýn": Qazaqstandaǵy AQSh elshiligi málimdeme jasady
Кәмшат Тілеухан
2025 jylǵy 1 qazanda AQSh-tyń Qazaqstandaǵy diplomatiialyq missiiasy federaldy úkimettiń jumysyn ýaqytsha toqtata turýǵa bailanysty málimdeme jasady, dep habarlaidy Dalanews.kz.
AQSh-tyń Qazaqstandaǵy elshiliginiń Instagram-daǵy paraqshasynda bylai delingen:
"Úkimettiń qarjylandyrýy men jumysynyń ýaqytsha toqtatylýyna bailanysty atalǵan akkaýntta jumys tolyq qalpyna keltirilgenge deiin ádettegidei turaqty negizde habarlamalar jariialanbaityn bolady. Tek tótenshe qorǵanys qaýipsizdigine qatysty erekshe jaǵdaida ǵana habarlamalar ornalastyrylady".
Qazirgi ýaqytta AQSh jáne AQSh-tyń sheteldik elshilikteri men konsýldyqtarynda qolda bar múmkindikterge qarai tólqujattar men tranzittik vizalar berý boiynsha josparlanǵan qyzmetter júzege asyrylyp jatqany da naqtylanady.
Aita ketsek, 30 qyrkúiekte AQSh Senaty eki partiia tarapynan qarjylandyrýdy jalǵastyrý týraly zań jobasyn qabyldai tastamady jáne sessiiany sársenbige deiin japty. Osydan keiin Aq úi memlekettik organdarǵa jumysyn toqtatýǵa daiyndalýdy buiyrdy. 1 qazanda AQSh-ta úkimet usynǵan biýdjetti kongrestiń maquldamaýy federaldy biliktiń jumysyn toqtatýǵa májbúr etti. Muny "shatdaýn" dep te ataidy. Tek AQSh qarýly kúshteri tolyq quramda óz jumysyn jalǵastyrady, federaldy quqyq qorǵaý organdarynyń qyzmetkerleri de shtattyq rejimde jumysqa shyǵýǵa mindetti. Biraq olardyń bul kezeńdegi jumysyna aqy qarastyrylmaǵan. Bul Donald Tramptyń kezinde oryn alǵan tórtinshi "shatdaýn" ekeni de aitylady. "Memlekettik organdar qaita jumysyna kirisýi úshin nebári birneshe demokrattyń respýblikashylarǵa qosylyp aldarynda jatqan zań jobasy boiynsha daýys berýi, jetkilikti", - deidi senator Djon Týn.
