ميسسۋريدٸڭ فەدەرالدى سوتى قىتاي ٷكٸمەتٸن SARS-CoV-2 كوروناۆيرۋسى تۋرالى دەرەكتەردٸ جاسىرعانى ٷشٸن كٸنەلٸ دەپ تاۋىپ, بيلٸكتەن 24 ملرد دوللار ٶتەماقى ٶندٸرۋگە شەشٸم شىعاردى. بۇل تۋرالى The New York Times جازدى,دەپ حابارلايدى Dalanews.kz
اقش ٶتەماقىنىڭ قايتارىمى رەتٸندە قىتاي اكتيۆتەرٸن تەركٸلەمەك.
قىتايدىڭ كوممۋنيستٸك پارتيياسىنا قارسى تالاپ-ارىزدى 2020 جىلى ميسسۋريدٸڭ بۇرىنعى باس پروكۋرورى ەريك شميتت بەرگەن. قۇجاتتا Covid-19 پاندەميياسىنىڭ العاشقى ايلارىندا پەكين ۆيرۋستىڭ بولۋى مەن تارالۋى تۋرالى دەرەكتەردٸ جاسىرىپ, باسقا ەلدەردە ماڭىزدى مەديتسينالىق جابدىقتاردى, سونىڭ ٸشٸندە جەكە قورعانىس قۇرالدارىن ٶندٸرۋگە, سونداي-اق ولاردى ساتىپ الۋعا جەنە ەكسپورتتاۋعا كەدەرگٸ كەلتٸرگەنٸ ايتىلعان.
سوت شەشٸمٸندە قىتاي ەلەمدٸ پاندەمييانىڭ قاۋپٸ مەن اۋقىمىنا قاتىستى اقپاراتپەن اداستىردى جەنە جەكە قورعانىش قۇرالدارى ٶندٸرٸسٸندەگٸ مونوپوليياعا ەكەلەتٸن ەرەكەتپەن اينالىستى دەلٸنگەن. سول سەبەپتٸ اقش ۆيرۋستىڭ تارالۋىنا دەر كەزٸندە توسقاۋىل قويا الماعانى جەنە جەتكٸلٸكتٸ دەڭگەيدە جابدىقتاردى ساتىپ الا الماي قالعانى جايلى جازىلعان. Covid-19 ميسسۋريدەگٸ 2020 جەنە 2021 جىلدارداعى ٶلٸمنٸڭ ٷشٸنشٸ سەبەبٸ بولدى.
ۆاشينگتونداعى قىتاي ەلشٸلٸگٸنٸڭ ٶكٸلٸ ليۋ پەنيۋي ەل سوت شەشٸمٸن مويىندامايتىنىن اتاپ ٶتتٸ. سونداي- اق ول ەگەر قىتايدىڭ مٷددەلەرٸ زارداپ شەگەتٸن بولسا, جاۋاپ قايتارۋعا ۋەدە بەردٸ.
