Missýridiń federaldy soty Qytai úkimetin SARS-CoV-2 koronavirýsy týraly derekterdi jasyrǵany úshin kináli dep taýyp, bilikten 24 mlrd dollar ótemaqy óndirýge sheshim shyǵardy. Bul týraly The New York Times jazdy,dep habarlaidy Dalanews.kz
AQSh ótemaqynyń qaitarymy retinde Qytai aktivterin tárkilemek.
Qytaidyń kommýnistik partiiasyna qarsy talap-aryzdy 2020 jyly Missýridiń burynǵy bas prokýrory Erik Shmitt bergen. Qujatta Covid-19 pandemiiasynyń alǵashqy ailarynda Pekin virýstyń bolýy men taralýy týraly derekterdi jasyryp, basqa elderde mańyzdy meditsinalyq jabdyqtardy, sonyń ishinde jeke qorǵanys quraldaryn óndirýge, sondai-aq olardy satyp alýǵa jáne eksporttaýǵa kedergi keltirgeni aitylǵan.
Sot sheshiminde Qytai álemdi pandemiianyń qaýpi men aýqymyna qatysty aqparatpen adastyrdy jáne jeke qorǵanysh quraldary óndirisindegi monopoliiaǵa ákeletin áreketpen ainalysty delingen. Sol sebepti AQSh virýstyń taralýyna der kezinde tosqaýyl qoia almaǵany jáne jetkilikti deńgeide jabdyqtardy satyp ala almai qalǵany jaily jazylǵan. Covid-19 Missýridegi 2020 jáne 2021 jyldardaǵy ólimniń úshinshi sebebi boldy.
Vashingtondaǵy Qytai elshiliginiń ókili Liý Peniýi el sot sheshimin moiyndamaitynyn atap ótti. Sondai- aq ol eger Qytaidyń múddeleri zardap shegetin bolsa, jaýap qaitarýǵa ýáde berdi.
