سوڭعى كٷندەرٸ اقش ۆاليۋتاسى قوماقتى تٷردە قۇنىن جوعالتۋدا. باقانداي 530-دان قازٸر 500 تەڭگەگە دەيٸن تٷسٸپ, تٸپتٸ ودان دا تٶمەندەپ جاتقان جايى بار. بۇعان, ەدەتتەگٸدەي, سالىق ماۋسىمى كەزەڭٸنەن گٶرٸ گەوساياسات كٶبٸرەك ىقپال ەتٸپ جاتقان سەكٸلدٸ, دەپ جازادى Dalanews.kz.
ەكونوميست عالىمجان ايتقازيننٸڭ ايتۋىنشا, بٷگٸن رەسەي فەدەراتسيياسىندا رۋبل نىعايىپ, 1 اقش دوللارى 93 رۋبل بولعان. ەرينە, ونىڭ تەڭگەگە دە ىقپالى بولماي قالماپتى. ول بٷگٸن نەمەسە ەرتەڭ 1 اقش دوللارىنىڭ باعاسى 500 تەڭگەدەن دە تٶمەندەۋٸ ىقتيمال ەكەنٸن ايتادى ەرٸ رەسەيدە اقش ۆاليۋتاسىنا شاققاندا رۋبلدٸڭ نىعايۋى جەنە شەتەل ۆاليۋتاسىنا دەگەن سۇرانىستىڭ كٷرت تٶمەندەۋٸنە گەوساياسات تٷرتكٸ بولۋى مٷمكٸن دەپ سانايدى.
"Politiko, Associated Press جەنە باسقا دا وسى سەكٸلدٸ كٶپتەگەن بەدەلدٸ ساياسي باسىلىمدار كەشەلٸ بەرٸ ٶز دەرەككٶزدەرٸنە سٸلتەمە جاساي وتىرىپ, ترامپتىڭ رەسەي مەن ۋكراينا قاقتىعىسىنداعى بارلىق تاراپتاردى بەيبٸت كەلٸسٸمگە كەلۋ ٷشٸن قىسىم جاساپ جاتقانىن جارىسا جازۋدا. ەگەر ترامپ ٶزٸنٸڭ سايلاۋالدى ۋەدەسٸن ورىنداي السا, وندا بولاشاقتا رەسەي ەكونوميكاسىنا قىسىم دەڭگەيٸ تٶمەندەۋٸ مٷمكٸن. ەرينە, بۇل سانكتسييالاردىڭ بٸردەن الىناتىنىن بٸلدٸرمەيدٸ, بٸراق, ەڭ قۇرىماعاندا, سانكتسييا قىسىمى بوساڭسىپ, ونىمەن بايلانىستى تەۋەكەلدەر بٸرتٸندەپ ازايۋى مٷمكٸن. قازاقستان ٷشٸن بۇل دا جاقسى حابار بولا الادى ما, قالاي? تەك اقشا باعامىنا جاسالعان قىسىمدى تٶمەندەتۋ فاكتورى تۇرعىسىندا عانا ەمەس", - دەپ جازدى ول Tengemonika Telegram ارناسىندا.
بۇعان دەيٸن بيرجادا 1 اقش دوللارىنىڭ قۇنى 500 تەڭگەدەن دە تٶمەندەگەنٸن جازعان بولاتىنبىز. سونداي-اق دونالد ترامپ دوللاردان باس تارتۋى مٷمكٸن دەگەن قاۋٸپپەن بريكس-كە دوق كٶرسەتكەن بولاتىن.
