سەمەي قالاسىنىڭ ٶكٸل يمامى ماقسات قاجى التىباي ٶزٸنٸڭ ورىنباسارى بەكزات باەشەۆتى قاسىنا ەرتٸپ سەۋٸردٸڭ 7-كٷنٸ, ياعني جۇما نامازىنا كەلگەن جۇرتشىلىققا مەشٸتتٸڭ نايب يمامى دەۋلەت ماقاجانوۆتىڭ يمام بولىپ تاعايىندالعانى تۋرالى باس مٷفتيدٸڭ بۇيرىعىن الا كەلدٸ. سٶز بارىسىندا مەشٸتتٸڭ يمامى زارالحان (اللابەرگەن) قاجىعا وسى ۋاقىتقا دەيٸن اتقارعان قىزمەتٸ ٷشٸن العىسىن جاڭبىرشا جاۋدىرىپ, ابىز اتا رەتٸندە سىيلايتىنىن, بٸلٸمٸنە قۇرمەتپەن قارايتىنىن ايتا كەلٸپ, دەۋلەت ماقاجانوۆتى يمام ەتٸپ تاعايىنداۋ جٶنٸندە باس مٷفتيگە ۇسىنىس بٸلدٸرگەنٸن, ول كٸسٸ ۇسىنىسىن جەرگە قالدىرماعانىن دا تٸلگە تيەك ەتٸپ ٶتتٸ.
مانادان ٷنسٸز وتىرعان كٶپشٸلٸك وسى تۇستا ٶكٸل يمامعا نارازىلىق بٸلدٸرٸپ
«بٸزگە ٶز يمامىمىز, قىرىق جىلدان بەرٸ بٸر ەمەس بٸرنەشە بۋىندى تەربيەلەپ يماندىلىققا شاقىرىپ كەلە جاتقان اللابەرگەن قاجىدان باسقا ەشكٸمنٸڭ كەرەگٸ جوق. اقساقال ورنىمدى بوساتامىن دەپ ٶزٸ ٶتٸنٸش بٸلدٸردٸ مە, بولماسا بۇل اسىعىس شەشٸمگە باس مٷفتي قالاي باردى, كٶپتٸڭ تاڭداۋى, قالاۋى دەگەن قايدا?»
دەپ دٷر ەتە تٷسسٸن.
بۇعان ٶكٸل يمام بۇل مەنٸڭ ۇسىنىسىم, مەن ٶزٸم قالاعان ادامدى قويعىزا الامىن, ال بۇيرىق باس مٷفتيدٸكٸ, سوندىقتان ول تالقىعا سالىنبايدى دەگەن ۋەج ايتقان بولدى. الايدا كٶپشٸلٸكتٸ ٶكٸل يمامنىڭ بۇل سٶزٸ قاناعاتتاندىرعانى بىلاي تۇرسىن, نارازىلىعىن ودان سايىن ۋشىقتىرىپ جٸبەردٸ. ونى بەينەتاسپادان كٶرۋگە بولادى.
[video width="480" height="360" mp4="https://dalanews.kz/wp-content/uploads/2017/04/اعاش-مەشٸتٸنٸڭ-جاماعاتى-زارالحان-قاجىنىڭ-باس-يمام-بولۋىن-تالاپ-ەتۋدە-1.mp4"][/video]
