Semei qalasynyń ókil imamy Maqsat qajy Altybai óziniń orynbasary Bekzat Baeshevty qasyna ertip sáýirdiń 7-kúni, iaǵni juma namazyna kelgen jurtshylyqqa meshittiń naib imamy Dáýlet Maqajanovtyń imam bolyp taǵaiyndalǵany týraly bas múftidiń buiryǵyn ala keldi. Sóz barysynda meshittiń imamy Zaralhan (Allabergen) qajyǵa osy ýaqytqa deiin atqarǵan qyzmeti úshin alǵysyn jańbyrsha jaýdyryp, abyz ata retinde syilaitynyn, bilimine qurmetpen qaraitynyn aita kelip, Dáýlet Maqajanovty imam etip taǵaiyndaý jóninde bas múftige usynys bildirgenin, ol kisi usynysyn jerge qaldyrmaǵanyn da tilge tiek etip ótti.
Manadan únsiz otyrǵan kópshilik osy tusta ókil imamǵa narazylyq bildirip
«bizge óz imamymyz, qyryq jyldan beri bir emes birneshe býyndy tárbielep imandylyqqa shaqyryp kele jatqan Allabergen qajydan basqa eshkimniń keregi joq. Aqsaqal ornymdy bosatamyn dep ózi ótinish bildirdi me, bolmasa bul asyǵys sheshimge bas múfti qalai bardy, kóptiń tańdaýy, qalaýy degen qaida?»
dep dúr ete tússin.
Buǵan ókil imam bul meniń usynysym, men ózim qalaǵan adamdy qoiǵyza alamyn, al buiryq bas múftidiki, sondyqtan ol talqyǵa salynbaidy degen ýáj aitqan boldy. Alaida kópshilikti ókil imamnyń bul sózi qanaǵattandyrǵany bylai tursyn, narazylyǵyn odan saiyn ýshyqtyryp jiberdi. Ony beinetaspadan kórýge bolady.
[video width="480" height="360" mp4="https://dalanews.kz/wp-content/uploads/2017/04/Aǵash-meshitiniń-jamaǵaty-Zaralhan-qajynyń-bas-imam-bolýyn-talap-etýde-1.mp4"][/video]
