اقش ارنايى قىزمەتتەرٸ پرەزيدەنت دونالد ترامپتى يران تاراپىنان بولۋى مٷمكٸن قاستاندىق قاۋپٸنە بايلانىستى تٷركييادان جاسىرىن تٷردە الىپ شىققان. بۇل تۋرالى The Washington Post باسىلىمى حابارلادى, دەپ جازادى dalanews.kz.
باسىلىم مەلٸمەتٸنشە, انكارادا ترامپ تەلەكامەرالاردىڭ الدىندا ەدەتتەگٸ Air Force One ۇشاعىنا مٸنگەن. الايدا بٸرنەشە مينۋتتان كەيٸن ول ەۋەجايدا بورتقا تاماق تاسىمالداۋعا ارنالعان ارنايى كٶلٸكتٸڭ كٶمەگٸمەن جاسىرىن تٷردە ۇشاقتان شىعارىلىپ, كٶلەمٸ شاعىن C-32A ەسكەري بورتىنا اۋىستىرىلعان. وسىلايشا نەگٸزگٸ Air Force One ۇشاعى "الداۋ قۇرالى" رەتٸندە پايدالانىلعان.
بۇل كەزدە نەگٸزگٸ ۇشاقتاعى جۋرناليستەر مەن اق ٷيدٸڭ بٸرقاتار قىزمەتكەرٸ پرەزيدەنت ٶزدەرٸمەن بٸرگە ۇشىپ بارا جاتىر دەپ ويلاعان. ولارعا يلليۋميناتور پەردەلەرٸن تٷسٸرۋ تاپسىرىلعان.
ال ترامپ پەنتاگون باسشىسى پيت حەگسەتپەن بٸرگە C-32A ەسكەري ۇشاعىمەن ۇلىبريتانيياعا جەتكەن. كەيٸن RAF Mildenhall ەسكەري بازاسىندا ول قايتادان نەگٸزگٸ پرەزيدەنتتٸك ۇشاققا اۋىسىپ, ساپارىن جالعاستىرعان.
مۇنداي قۇپييا وپەراتسييانىڭ ٶتكٸزٸلۋٸنە اقش بارلاۋ قىزمەتتەرٸنٸڭ يران تاراپىنان ترامپتىڭ ٶمٸرٸنە قاۋٸپ تٶنۋٸ مٷمكٸن دەگەن اقپاراتى سەبەپ بولعان. اق ٷي ٶكٸلدەرٸ پرەزيدەنت قاۋٸپسٸزدٸگٸن قامتاماسىز ەتۋ ٷشٸن جوعارى دەڭگەيدەگٸ ساقتىق شارالارى قولدانىلعانىن مەلٸمدەدٸ.
