AQSh arnaiy qyzmetteri prezident Donald Trampty Iran tarapynan bolýy múmkin qastandyq qaýpine bailanysty Túrkiiadan jasyryn túrde alyp shyqqan. Bul týraly The Washington Post basylymy habarlady, dep jazady dalanews.kz.
Basylym málimetinshe, Ankarada Tramp telekameralardyń aldynda ádettegi Air Force One ushaǵyna mingen. Alaida birneshe minýttan keiin ol áýejaida bortqa tamaq tasymaldaýǵa arnalǵan arnaiy kóliktiń kómegimen jasyryn túrde ushaqtan shyǵarylyp, kólemi shaǵyn C-32A áskeri bortyna aýystyrylǵan. Osylaisha negizgi Air Force One ushaǵy "aldaý quraly" retinde paidalanylǵan.
Bul kezde negizgi ushaqtaǵy jýrnalister men Aq úidiń birqatar qyzmetkeri prezident ózderimen birge ushyp bara jatyr dep oilaǵan. Olarǵa illiýminator perdelerin túsirý tapsyrylǵan.
Al Tramp Pentagon basshysy Pit Hegsetpen birge C-32A áskeri ushaǵymen Ulybritaniiaǵa jetken. Keiin RAF Mildenhall áskeri bazasynda ol qaitadan negizgi prezidenttik ushaqqa aýysyp, saparyn jalǵastyrǵan.
Mundai qupiia operatsiianyń ótkizilýine AQSh barlaý qyzmetteriniń Iran tarapynan Tramptyń ómirine qaýip tónýi múmkin degen aqparaty sebep bolǵan. Aq úi ókilderi prezident qaýipsizdigin qamtamasyz etý úshin joǵary deńgeidegi saqtyq sharalary qoldanylǵanyn málimdedi.
