شىمكەنتتە حقكو باسشىلىعى جۇرگىزۋشى كۋالىگىن ساتقان، – دەپ حابارلايدى Dalanews.kz.
قما مالىمەتىنشە، شىمكەنتتە جۇرگىزۋشى كۋالىكتەرىن جۇيەلى تۇردە زاڭسىز بەرۋمەن اينالىسقان ۇيىمداسقان قىلمىستىق توپ انىقتالعان.
تەرگەۋ بارىسىندا 2023–2024 جىلدار ارالىعىندا "ازاماتتارعا ارنالعان ۇكىمەت" مەملەكەتتىك كورپوراسياسىنىڭ №2 مامانداندىرىلعان حالىققا قىزمەت كورسەتۋ ورتالىعىنىڭ باسشىلىعى ج.ر. مۋراشيموۆ پەن بىرگە ءبىرقاتار لاۋازىمدى تۇلعا جۇرگىزۋشى كۋالىگىن تەوريالىق جانە پراكتيكالىق ەمتيحانداردان وتپەي-اق زاڭسىز الۋ سحەماسىن ۇيىمداستىرعانى اشكەرەلەنگەن.
"بۇل "قىزمەت" ءۇشىن ازاماتتاردان 150 مىڭنان 400 مىڭ تەڭگەگە دەيىن اقشا العان. ناتيجەسىندە 500-دەن اسا ادام زاڭسىز جولمەن جۇرگىزۋشى كۋالىگىن العان. تەرگەۋ اياسىندا كۇدىكتىلەردىڭ 200 ملن تەڭگەدەن اسا سوماعا باعالانعان مۇلكىنە، 2 جەكە ءۇي، 2 پاتەر، 2 جەر تەلىمى جانە 10 كولىككە تاركىلەۋ ماقساتىندا تىيىم سالىندى"، - دەپ جازىلعان حابارلامادا.
سوت سانكسياسىمەن 12 كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى قولدانىلدى.
قىلمىستىق ءىس بويىنشا سوتالدى تەرگەۋ جالعاسىپ جاتىر.
ايتا كەتەيىك، شىمكەنتتە كەيىنگى جىلدارى جول اپاتى جيىلەگەن. 2022 جىلى مۇنداي وقيعالار سانى 398 بولسا، 2024 جىلى 878-گە دەيىن جەتكەن.
