گولليۆۋد جۇلدىزى توم حوللاند تانىمال ۆيدەوگراف، بلوگەر داستان مۇحامەدراحىمعا العىس ايتتى، دەپ حابارلايدى Dalanews.kz.

بۇل ۆيدەو داستان مۇحامەدراحىمنىڭ Instagram پاراقشاسىندا جاريالاندى.

"بۇل - توم حوللاند. بىرىنشىدەن، قولداعانىڭ ءۇشىن راقمەت! جاساپ جاتقان كەرەمەت دۇنيەلەرىڭ ءۇشىن دە راقمەت. شىنىمەن بارلىعىن باعالايمىن. "ورمەكشى ادام" ترەيلەرىنىڭ ءبىر بولىگى بولعانىڭا راقمەت!" - دەدى ۆيدەودا ول.

ايتا كەتەيىك، جاڭا "ورمەكشى ادام" ترەيلەرى وزگەشە فورماتتا كوپشىلىككە ۇسىنىلدى. بۇل يدەيانى اكتەر توم حوللاند ۇسىنعان.

ترەيلەر بىرنەشە بولىككە ءبولىنىپ، ءار قاتىسۋشى ەكسكليۋزيۆ ءۇزىندىنى جاريالاپ، ەستافەتانى كەلەسى ادامعا جولدايدى.

جوباعا قازاقستاندىق ۆيدەوگراف ءارى بلوگەر داستان مۇحامەدراحىم دا قاتىسىپ، جاھاندىق پرەمەرانىڭ ءبىر بولىگىن كورسەتۋگە مۇمكىندىك العان.