قازاقستاننىڭ الەم چەمپيونى بوكسشىسى انگەلينا لۋكاس تانزانيادان كەلگەن قارسىلاسى ەگينە كايانگەنى مەرزىمىنەن بۇرىن جەڭدى. الەمدىك بوكس فەدەراسياسىنىڭ (WBF) تيتۋلى ءۇشىن وتكەن جەكپە-جەك ءتورتىنشى راۋندتا اياقتالدى، دەپ حابارلايدى Dalanews.kz.
جەكپە-جەك دۋبايدا (ءباا) وتكەن بوكس كەشىنىڭ اياسىندا ءوتتى.
«شەتەلدە سۇيىكتى ەلىمنىڭ تۋىن كوتەرۋ - وتە ەرەكشە ماقتانىش جانە ۇلكەن جاۋاپكەرشىلىك. رينگكە ءار شىققاندا قازاقستاننىڭ قولداۋىن سەزىنەمىن، ءبىراق سول ۋاقىتتا ءاردايىم قوبالجيمىن، ويتكەنى جاقىندارىمدى، كوماندانى جانە جانكۇيەرلەردى رەنجىتكىم كەلمەيدى. بۇگىنگى جەڭىس ءبىزدىڭ ورتاق سەنىمىمىزدىڭ، ەڭبەگىمىزدىڭ جانە وتانعا دەگەن سۇيىسپەنشىلىگىمىزدىڭ ناتيجەسى. قولداۋ كورسەتكەن، سەنگەن جانە بىرگە ۋايىمداعان ءار جانعا العىس! ءبىز جەڭدىك. العا، قازاقستان!»،- دەدى انگەلينا الەۋمەتتىك جەلىدەگى جازباسىندا.
