Qazaqstannyń álem chempiony boksshysy Angelina Lýkas Tanzaniiadan kelgen qarsylasy Egine Kaiangeni merziminen buryn jeńdi. Álemdik boks federatsiiasynyń (WBF) titýly úshin ótken jekpe-jek tórtinshi raýndta aiaqtaldy, dep habarlaidy Dalanews.kz.
Jekpe-jek Dýbaida (BAÁ) ótken boks keshiniń aiasynda ótti.
«Shetelde súiikti elimniń týyn kóterý - óte erekshe maqtanysh jáne úlken jaýapkershilik. Ringke ár shyqqanda Qazaqstannyń qoldaýyn sezinemin, biraq sol ýaqytta árdaiym qobaljimyn, óitkeni jaqyndarymdy, komandany jáne jankúierlerdi renjitkim kelmeidi. Búgingi jeńis bizdiń ortaq senimimizdiń, eńbegimizdiń jáne Otanǵa degen súiispenshiligimizdiń nátijesi. Qoldaý kórsetken, sengen jáne birge ýaiymdaǵan ár janǵa alǵys! Biz jeńdik. Alǵa, Qazaqstan!»,- dedi Angelina áleýmettik jelidegi jazbasynda.
