قىز بالانىڭ مىنەزى مەن ءوزىن-وزى ۇستاۋىنا قاراپ، ءبىز ونىڭ اناسىن تانىعانداي بولامىز. سەبەبى، نازىك جاندىلار كوبىنەسە اناسىنان ۇلگى الادى. مىسالى، كامشات جولدىبايەۆا ونەرلى وتباسىندا تاربيەلەنگەن. ءدال ءقازىر ءسىڭلىسى التىناي دا، باۋىرى دا ونەردە ءجۇر. ال ولاردى ونەرگە باۋلىعان اتا-انالارى ەكەن. اسىرەسە، انالارى ولارعا جاستايىنان بي ۇيرەتىپ، ساحنادا ەركىن قوزعالۋعا ماشىقتاندىرعان. ياعني، كامشات جولدىبايەۆانىڭ بيدەن ساباق بەرگەن ۇستازى – تۋعان اناسى.
[caption id="attachment_21303" align="aligncenter" width="900"]
اشا ماتاي اناسىمەن[/caption]
اناسىنان اۋماي قالعان جۇلدىزداردىڭ قاتارىندا اشا ماتاي دا بار. باتەس بايلى – تىگىنشى. كوپشىلىك وتاندىق باعدارلامالاردىڭ بىرىنەن ول كىسىنىڭ وزگە سىڭىلدەرىنە ۇقسامايتىنىن بايقاعان. سەبەبى، بايان ماقسات قىزى مەن باعىم مۇحيتدەنوۆا سەكىلدى ونەرگە اسا ىنتىق ەمەس. ءوزى سابىرلى ءارى تۇيىق مىنەزدى.
دينارا ءساتجان اناسى اقمارالعا ۇقساپ وسكەن. تەلەجۇرگىزۋشىنىڭ ءساندى كيىم مەن مادەني ورتاعا دەگەن ىقىلاسى وسى اناسى ارقىلى بەرىلگەن-دى. بۇعان اقمارال ءساتجاننىڭ ينستاگرام پاراقشاسىنا كىرۋ ارقىلى كوز جەتكىزە الاسىز.
[caption id="attachment_21328" align="aligncenter" width="632"]
دينارا ءساتجان اناسىمەن[/caption]
انار حانىم مەن سيۆي ماحمۇديدىڭ جاس ارالىعىندا بىرنەشە جىل عانا ايىرماشىلىق بارداي كورىنەدى. سەبەبى، ول قىزىمەن بىرگە سۇلۋلىق سالوندارىنا بارىپ، كوڭىلدى كەشتەردە بوي كورسەتكەندى ۇناتادى. ەڭ باستىسى، قىز بالانىڭ باستى قارۋى – سۇلۋلىعى ەكەنىن جاقسى تۇسىنەدى.
[caption id="attachment_21302" align="aligncenter" width="688"]
سيۆي ماحمۋدي اناسىمەن[/caption]
ءانشى ءوزىنىڭ اناسىنا ۇقساعىسى كەلەتىنىن ۇنەمى ايتىپ وتىرادى. جۋىردا ول العاش رەت جۇرەگىنە جاقىن ادامىنىڭ سۋرەتىن ءبولىسىپ، ونى تۋعان كۇنىمەن قۇتتىقتادى. وسىلايشا، اناسىن قاتتى ساعىنىپ جۇرگەنىن ءبىلدىردى.
[caption id="attachment_21330" align="aligncenter" width="600"]
ساندانىڭ اناسى[/caption]
ەستەرىڭىزدە بولسا، جۇرت ساندانىڭ اناسىنىڭ سۇلۋلىعىنا قىزىققان-دى. ءتىپتى، ونىڭ قىزىنا قاراعاندا، الدەقايدا جاس كورىنەتىنىن ايتقان بولاتىن. ءانشى اناسىنىڭ ءوزى سەكىلدى ساۋدا ورتالىقتارىن ارالاپ، كيىم العاندى ۇناتاتىندىعىن ايتىپ وتىرادى.
[caption id="attachment_21329" align="aligncenter" width="645"]
ايدانا مەدەنوۆانىڭ اناسى[/caption]
ءانشىنىڭ اناسىن وتاندىق باعدارلامالار ارقىلى تانيمىز. سۇحبات بارىسىندا ءانشىنىڭ اناسى ءوزىنىڭ اشىقاۋىز، اقكوڭىل ەكەنىن بايقاتتى. سەبەبى، ول قىزىنىڭ جۇرتتان جاسىرىپ جۇرگەن قۇپياسىن جاريا ەتىپ قويعان-دى. مۇنىمەن قاتار، اۋەلبەكوۆا اناسىنىڭ وتە سابىرلى ەكەنىن، وعان قاتتى ۇقساعىسى كەلەتىنىن ايتادى.
كوڭىلدى كەشتەردى ۇناتىپ، قىزىمەن بىرگە سۇلۋلىق سالونىنا جارىسا باراتىن انالاردىڭ قاتارىندا گۇلسىم حانىمدا بار. ءانشىنىڭ اناسى پسيحولوگيا سالاسىندا جۇمىس ىستەيدى. مۇنىمەن قاتار، ينستاگرام پاراقشاسىنان گۇلسىم حانىمنىڭ دىنگە بەرىك ادام ەكەنىن بايقاۋعا بولادى.
[caption id="attachment_21304" align="aligncenter" width="781"]
ءمولدىر اۋەلبەكوۆا اناسىمەن[/caption]
