ءوز قۇتتىقتاۋىندا وبلىس اكىمى ايەل-انانىڭ قوعامداعى رولىنە توقتالدى. ولاردىڭ مەملەكەتتىك قىزمەتتە، قوعامدىق جۇمىستا، كاسىپكەرلىكتە، ەڭ باستىسى ۇرپاق تاربيەلەۋدە بار كۇش-جىگەرىن جۇمساپ، تابىسقا قول جەتكىزىپ جۇرگەندىگىن اتاپ ءوتتى.
– قىمباتتى انالار،ارداقتى ارۋلار! 8 ناۋرىز – حالىقارالىق ايەلدەر كۇنى –كوكتەمنىڭ ەڭ ىزگى، مەيىرىم مەن سۇيىسپەنشىلىككە تولى مەرەكەسى. بارشاڭىزدى وسى ايتۋلى كۇنمەن شىن جۇرەكتەن قۇتتىقتايمىن. ەلىمىزدە انالارعا، ايەل ادامدارعا زور كوڭىل ءبولىنىپ كەلەدى. وعان «Nur Otan» پارتياسىنىڭ XVIII سەزىندە ەلباسى نۇرسۇلتان ءابىش ۇلى نازاربايەۆتىڭ جاريالاعانشەشىمى زور سەرپىن قوستى. وسى باعىتتا كوپ بالالى جانە از قامتىلعان وتباسىلارىن قولداۋدا وبلىستا كوپتەگەن يگى شارالار اتقارىلاتىن بولادى. بارشا ەر ازاماتتاردىڭ اتىنان سىزدەرگە ەرەن ەڭبەكتەرىڭىز، قاجىماس قايرات پەن ەرىك-جىگەرلەرىڭىز ءۇشىن العىس ايتامىن، – دەدى ا. باتالوۆ. سالتاناتتى جيىندا ىلە، قاراساي، تالعار اۋداندارى مەن تالدىقورعان قالاسىنان كەلگەن كوپ بالالى انالارعا التىن جانە كۇمىس القالار تاپسىردى.
جەتىسۋلىق ايەلدەر قاۋىمى اتىنان كوپ بالالى ارداگەر انا، جۋىردا وتكەن پارتيا سەزىنىڭ دەلەگاتى عاليا اقباسوۆا ءسوز الىپ، مەرەكەلىك تىلەگىن جەتكىزدى، سونىمەن قاتار وزدەرىنە كورسەتىلگەن قۇرمەت پەن قولداۋ ءۇشىن ريزاشىلىعىن ءبىلدىردى.
شارا مەرەكەلىك مازمۇنداعى كونسەرتتىك باعدارلامامەن قورىتىندىلاندى. انا، كوكتەم، جاستىق تاقىرىپتارىنداعى اندەر شىرقالىپ، ولەڭدەر وقىلدى. كورەرمەندەر قازاق ەستراداسىنىڭ بەلدى وكىلدەرى توقتار سەرىكوۆ پەن ايگەرىم قالاۋبايەۆانىڭ، وبلىستىق ۇجىمدارداعى انشىلەر مەن بيشىلەردىڭ، ارتىستەردىڭ، جاس بالعىنداردىڭ ونەرىنە ريزاشىلىقپەن قول سوقتى.
جالپى، الماتى وبلىسىنىڭ تۇرعىنىنىڭجارتىسىنان كوبى، ياعني 51%ء-ى ايەلدەر. مەملەكەتتىك قىزمەتتە 4 019 ادام بولسا، ونداعى ايەلدەردىڭ ۇلەس-سالماعى - 49 %. اتاپ وتەر بولساق، ءار دەڭگەيدەگى ءماسليحات دەپۋتاتتارىنىڭ قاتارىندا60 ايەل بار، ال146جەرگىلىكتى اتقارۋشى بيلىك ورگانىنايەلدەر باسقارىپ وتىر.
الماتى وبلىسى اكىمىنىڭ باسپا ءسوز قىزمەتى.
