Óz quttyqtaýynda oblys ákimi áıel-ananyń qoǵamdaǵy róline toqtaldy. Olardyń memlekettik qyzmette, qoǵamdyq jumysta, kásipkerlikte, eń bastysy urpaq tárbıeleýde bar kúsh-jigerin jumsap, tabysqa qol jetkizip júrgendigin atap ótti.
– Qymbatty analar,ardaqty arýlar! 8 naýryz – Halyqaralyq áıelder kúni –kóktemniń eń izgi, meıirim men súıispenshilikke toly merekesi. Barshańyzdy osy aıtýly kúnmen shyn júrekten quttyqtaımyn. Elimizde analarǵa, áıel adamdarǵa zor kóńil bólinip keledi. Oǵan «Nur Otan» partıasynyń XVIII sezinde Elbasy Nursultan Ábishuly Nazarbaevtyń jarıalaǵansheshimi zor serpin qosty. Osy baǵytta kóp balaly jáne az qamtylǵan otbasylaryn qoldaýda oblysta kóptegen ıgi sharalar atqarylatyn bolady. Barsha er azamattardyń atynan sizderge eren eńbekterińiz, qajymas qaırat pen erik-jigerlerińiz úshin alǵys aıtamyn, – dedi A. Batalov. Saltanatty jıynda İle, Qarasaı, Talǵar aýdandary men Taldyqorǵan qalasynan kelgen kóp balaly analarǵa Altyn jáne Kúmis alqalar tapsyrdy.
Jetisýlyq áıelder qaýymy atynan kóp balaly ardager ana, jýyrda ótken partıa seziniń delegaty Ǵalıa Aqbasova sóz alyp, merekelik tilegin jetkizdi, sonymen qatar ózderine kórsetilgen qurmet pen qoldaý úshin rızashylyǵyn bildirdi.
Shara merekelik mazmundaǵy konserttik baǵdarlamamen qorytyndylandy. Ana, kóktem, jastyq taqyryptaryndaǵy ánder shyrqalyp, óleńder oqyldy. Kórermender qazaq estradasynyń beldi ókilderi Toqtar Serikov pen Áıgerim Qalaýbaevanyń, oblystyq ujymdardaǵy ánshiler men bıshilerdiń, ártisterdiń, jas balǵyndardyń ónerine rızashylyqpen qol soqty.
Jalpy, Almaty oblysynyń turǵynynyńjartysynan kóbi, ıaǵnı 51%-i áıelder. Memlekettik qyzmette 4 019 adam bolsa, ondaǵy áıelderdiń úles-salmaǵy - 49 %. Atap óter bolsaq, ár deńgeıdegi máslıhat depýtattarynyń qatarynda60 áıel bar, al146jergilikti atqarýshy bılik organynáıelder basqaryp otyr.
Almaty oblysy ákiminiń baspasóz qyzmeti.
