بەكبولات تىلەۋحاننىڭ تاياۋدا وتكەن كونسەرتىن تەلەديداردان تاماشالادىق. دەپۋتاتتىق كورپۋس، ءبىراز زيالى قاۋىم تەگىس جينالىپتى. كونسەرت جاقسى ءوتتى. بەكەڭ قازتۋعان، دوسپانبەتتىڭ رۋحتى جىرلارىن ورىنداعاندا گۇلجان قاراعۇسوۆا باستاعان ورىس ءتىلدى دەپۋتاتتار كوزىن جۇمىپ، اۋزىن اشىپ تىڭداعانىن بايقاپ قالدىم.

ءاننىڭ قۇدىرەتىن قويساڭىزشى، كونە سارىن عۇمىر بويى ورىسشا سويلەپ كەلگەن تالاي جاننىڭ كوكىرەگىنىڭ تۇكپىرىندە جاسىرىنىپ جاتقان (وزدەرىنە دە بەيمالىم)  جانارتاۋلارى جارىلىپ، كوزىندەرىندە ۇشقىن پايدا بولدى. الداعى ۋاقىتتا كونسەرتتى قايتالاپ بەرسە، گۇلجان قاراعۇسوۆانىڭ تۇرىنە قاراي سالىڭىزدار. الدەبىر «تۇسىنىكسىز سەزىمىدى» باستان كەشىپ وتىرعانىن بىردەن بايقايسىزدار.

ال بەكبولات تىلەۋحانوۆقا مىڭ العىس، ارىپتەس دەپۋتاتتارىنا قازاقتىڭ كونە سارىنىن كوكىرەكتەرىنە قۇيىپ، جانارىندا جارقىل تۋعىزدى. جالپى، ءماجىلىستىڭ ۇزاق سونار جينالىستارىنىڭ اراسىندا بەكەڭ «سەگىزاياقتى»، «مولدابايدىڭ ءانىن» ايتىپ تۇرسا، تالاي دەپۋتات قازاقشا ۇيرەنىپ الار ەدى.

مۇنى ەندى ءان تەراپيا دەسە بولاتىن شىعار؟

 

نۇرلان جۇماحان