جەتٸسۋ وبلىسىنداعى الاكٶل جاعالاۋى تاعى دا ەن مەن دۋماننىڭ ورتاسىنا اينالدى. اقشي اۋىلىندا ٶتكەن «الاكٶل تولقىنى – 2026» مەدەني-تۋريستٸك فەستيۆالٸنە قازاقستاننىڭ تٷكپٸر-تٷكپٸرٸنەن كەلگەن دەمالۋشىلارمەن قاتار شەتەلدٸك قوناقتار دا قاتىستى. مەدەنيەت پەن تۋريزمدٸ توعىستىرعان اۋقىمدى شارا ٶڭٸردٸڭ تۋريستٸك ەلەۋەتٸن تاعى بٸر مەرتە تانىتتى, دەپ حابارلايدى dalanews.kz.
كەش تٷسە فەستيۆال الاڭىنا اعىلعان حالىقتىڭ قاراسى قالىڭ بولدى. كونتسەرت باستالاردان بۇرىن-اق ساحنا ماڭىنا جٷزدەگەن ادام جينالىپ, تانىمال ەنشٸلەردٸ كٷتٸپ تۇردى. ەسٸرەسە جاستار جاعى بەلسەندٸ بولدى. تانىمال ورىنداۋشىلار ساحناعا شىققاندا كٶرەرمەندەر سٷيٸكتٸ ەندەرٸن قوسىلا شىرقاپ, بيلەپ, ەر ەندٸ ەرەكشە ىقىلاسپەن قارسى الدى.
فەستيۆال الاكٶل ٶڭٸرٸنٸڭ تۋريستٸك مٷمكٸندٸكتەرٸ, تابيعي ەرەكشەلٸكتەرٸ مەن تاريحي-مەدەني مۇراسىن تانىستىراتىن ارنايى بەينەروليكتەن باستالدى. رەسمي بٶلٸمدە ٶڭٸردە تۋريزم سالاسىن دامىتۋ, ينفراقۇرىلىمدى جەتٸلدٸرۋ جەنە الاكٶلدٸ حالىقارالىق دەڭگەيدەگٸ تۋريستٸك باعىت رەتٸندە قالىپتاستىرۋ باعىتىندا اتقارىلىپ جاتقان جۇمىستار ايتىلدى.
قازاقستان رەسپۋبليكاسى تۋريزم جەنە سپورت ۆيتسە-مينيسترٸ ميراس تٶلەباەۆ ٶز سٶزٸندە الاكٶلدٸڭ ەلٸمٸزدەگٸ ماڭىزدى تۋريستٸك ايماقتاردىڭ بٸرٸ ەكەنٸن اتاپ ٶتتٸ. ونىڭ ايتۋىنشا, مۇنداي مەدەني-تۋريستٸك جوبالار ٶڭٸردٸڭ عانا ەمەس, تۇتاس قازاقستاننىڭ تۋريستٸك يميدجٸن نىعايتۋعا ىقپال ەتەدٸ.
رەسمي بٶلٸمنەن كەيٸن جاعالاۋداعى باستى الاڭدا كونتسەرتتٸك باعدارلاما باستالدى. كٶرەرمەندەر ريمما احمەتوۆا, قازبەك ابۋ, دانا ماكسيموۆا, سامات جانعازين, الۋا بەرەشوۆا, بەكسۇلتان بەكايداروۆ, گٷلسٸم ماليسوۆا, جٸگەر اراپ جەنە باۋىرجان كەنجەباەۆتىڭ ٶنەرٸن تاماشالادى.
فەستيۆال اياسىندا قوناقتارعا ارنالعان تٷرلٸ ويىن-ساۋىق باعدارلامالارى دا ۇيىمداستىرىلدى. حودۋليستەردٸڭ قويىلىمدارى, تٸرٸ مٷسٸندەر مەن الىپ ويىنشىق كەيٸپكەرلەر بالالار مەن ەرەسەكتەردٸڭ قىزىعۋشىلىعىن تۋدىردى. قوناقتار ارنايى فوتوزونالاردا سۋرەتكە تٷسٸپ, ينتەراكتيۆتٸ ويىندارعا قاتىسىپ, سىيلىقتارعا يە بولدى.
ال فەستيۆالدٸڭ باستى حەدلاينەرلەرٸ Turar, Ayree جەنە اسەل مەكەباەۆا ٶنەر كٶرسەتكەن سەتتە الاڭداعى اتموسفەرا تٸپتٸ قىزا تٷستٸ. كٶرەرمەندەر ەنشٸلەرمەن بٸرگە ەن ايتىپ, جارىق شامدارىن جاعىپ, كونتسەرتتٸڭ ەر سەتٸن ۇيالى تەلەفوندارىنا تٷسٸرٸپ جاتتى.
اقشي اۋىلىنىڭ تۇرعىنى گٷلميرا تٶلەۋباەۆا بۇل فەستيۆالدٸڭ جەرگٸلٸكتٸ حالىق ٷشٸن ەرەكشە ماڭىزعا يە ەكەنٸن ايتادى.
– بٸز بۇل فەستيۆالدٸ جىل سايىن كٷتەمٸز. جاز سايىن الاكٶلگە قانشاما تۋريست كەلەدٸ. وسىنداي مەدەني شارالاردىڭ ۇيىمداستىرىلۋى دەمالۋشىلارعا دا, جەرگٸلٸكتٸ تۇرعىندارعا دا جاقسى كٶڭٸل كٷي سىيلايدى. بيىل ادام ٶتە كٶپ بولدى. كونتسەرت تە ەرەكشە ٶتتٸ, – دەيدٸ ول.
ال قاراعاندى قالاسىنان كەلگەن دەمالۋشى ەرجان سەيٸتوۆ كٷندٸز ساحنانىڭ دايىندالىپ جاتقانىن كٶرگەنٸن ايتىپ, كەشكٸ باعدارلامادان ٷلكەن ەسەر العانىن جەتكٸزدٸ.
– كٷندٸز جاعاجايدا جٷرگەندە فەستيۆالگە دايىندىق جٷرٸپ جاتقانىن كٶردٸك. كەشكە ارنايى كەلدٸك. شىنىمدى ايتسام, مۇنداي اۋقىمدى كونتسەرت بولادى دەپ ويلامادىم. ەنشٸلەر دە تانىمال, حالىقتىڭ كٶڭٸل كٷيٸ دە كەرەمەت بولدى. الاكٶلدەگٸ دەمالىسىمىزدىڭ ەڭ ەستە قالعان كەشتەرٸنٸڭ بٸرٸنە اينالدى, – دەيدٸ تۋريست.
فەستيۆال بارىسىندا قاۋٸپسٸزدٸك مەسەلەسٸنە دە ەرەكشە نازار اۋدارىلدى. كونتسەرت الاڭىندا پوليتسييا قىزمەتكەرلەرٸ مەن پاترۋلدٸك جاساقتار تۇراقتى باقىلاۋ جٷرگٸزٸپ, قوعامدىق تەرتٸپتٸ قاداعالاپ جٷردٸ. ال الاڭ سىرتىندا جەدەل جەردەم كٶلٸكتەرٸ كەزەكشٸلٸك اتقارىپ, تٶتەنشە جاعدايلارعا دايىن تۇردى.
كەش بارىسىندا كەسٸبي DJ-دٸڭ قاتىسۋىمەن زاماناۋي مۋزىكالىق باعدارلاما ۇيىمداستىرىلىپ, اشىق اسپان استىنداعى بي الاڭىندا مىڭداعان ادام باس قوستى.
كەشتٸڭ ەڭ ەسەرلٸ سەتٸ مەرەكەلٸك وتشاشۋ بولدى دەسەك ارتىق ايتقاندىق ەمەس. ەر جارقىل سايىن كٶرەرمەندەر قول شاپالاقتاپ, تاڭدانىسىن جاسىرا المادى. كٶپشٸلٸك ٷشٸن فەستيۆالدٸڭ دەل وسى فينالى كەشتٸڭ ەڭ ەستە قالعان سەتٸنە اينالدى.
وسىلايشا «الاكٶل تولقىنى – 2026» فەستيۆالٸ تەك كونتسەرتتٸك باعدارلاما عانا ەمەس, مىڭداعان ادامدى بٸرٸكتٸرگەن ٷلكەن تۋريستٸك ەرٸ مەدەني وقيعا رەتٸندە ەستە قالدى. ەن مەن تولقىن ٷندەسكەن بۇل كەش الاكٶلدٸڭ تەك دەمالىس ورنى عانا ەمەس, جارقىن مەدەني شارالار ٶتەتٸن ورتالىققا اينالىپ كەلە جاتقانىن تاعى بٸر مەرتە كٶرسەتتٸ.
جەتٸسۋ وبلىسى تۋريزم باسقارماسىنىڭ مەلٸمەتٸنشە, بيىلعى فەستيۆالگە قىتاي, رەسەي, بەلارۋس, ٶزبەكستان جەنە قىرعىزستاننان كەلگەن تۋريستەردٸ قوسا العاندا 5 مىڭنان استام ادام جينالدى. سونىمەن قاتار ٸس-شارانى ناسيحاتتاۋعا 40-قا جۋىق بلوگەر اتسالىستى. ۇيىمداستىرۋشىلاردىڭ مەلٸمەتٸنشە, فەستيۆال تۋرالى جارييالانىمداردىڭ جالپى ونلاين قامتىلۋى 5 ميلليوننان استام قارالىمعا جەتكەن.
«الاكٶل تولقىنى – 2026» فەستيۆالٸنٸڭ باستى ماقساتى – جەتٸسۋ وبلىسىنىڭ تۋريستٸك ەلەۋەتٸن كەڭٸنەن تانىتۋ, الاكٶلدٸڭ حالىقارالىق تۋريستٸك باعىت رەتٸندەگٸ بەدەلٸن ارتتىرۋ جەنە ٸشكٸ ەرٸ كەلۋ تۋريزمٸن دامىتۋ.
