مەكتەپكە دەيىنگى شاعىن ورتالىعى بار №21 ورتا مەكتەپتى جاڭارتۋعا 805،9 ملن تەڭگە قارجى بولىنگەن. باس مەردىگەر – «قۇرىلىسشى-تبس» ج ش س.
عيماراتتىڭ جالپى اۋدانى 6392،2 شارشى مەتردى قۇرايدى. جوبالاۋ سيىمدىلىعى 900 ورىنعا ارنالعان ءبىلىم ورداسىنىڭ جوندەۋ جۇمىستارىنا 88 ادام تارتىلعان. ونىڭ 44ء-ى جۇمىسپەن قامتۋ ورتالىعى ارقىلى كەلگەن.
مەكەمە 2 قاباتتان، 3 بلوكتان تۇرادى. عيمارات ىشىندە 36-وقۋ كابينەتى، 2-سپورت زال، 2ء-ماجىلىس زالى، مەديسينالىق، ستوماتولوگيالىق كابينەت، 60 ورىندىق اسحانا، كىتاپحانا جانە 50 ورىندىق شاعىن ورتالىق بار. سونىمەن قاتار، مەكتەپتە زاماناۋي زەرتحانا ورنالاسقان.
جۇمىس بارىسىن باعامداعان اماندىق باتالوۆ نىساننىڭ ساۋلەتىنىڭ كەلىستى، جاڭا قوندىرعىلاردىڭ ورناتىلىپ جاتقانىن، وقۋشىلارعا بارلىق جاعداي جاسالعانىن كورىپ وڭ باعاسىن بەردى. الماتى وبلىسى اكىمى، تەك قىزمەت قاۋقارىن كورىپ قانا قويماي مەكتەپ اكىمشىلىگىنە بالالاردى تاسىمالداۋعا ارنالعان ءبىر اۆتوبۋستىڭ كىلتىن تابىستادى.
ايتا كەتۋ كەرەك، ءبىلىم ورداسىندا 99 ۇستاز بەن 40 كىشى قىزمەتكەر ەڭبەك ەتەدى. وتەناي اۋىلىنداعى بۇل مەكتەپتە 1205 وقۋشى ءبىلىم الادى. اتالعان مەكتەپ ەكى تىلدە وقىتادى. مەملەكەتتىك تىلدە ءبىلىم الۋشىلار سانى – 851، ال ورىس تىلىندە وقيتىن وقۋشىلار سانى – 354ء-ى قۇرايدى.
مەكتەپ الدى دايارلىق توبىنا 64 بوبەك بارادى. ولاردى 3 توپقا ءبولىپ وقىتادى. ال، مەكەمە جانىنان اشىلعان شاعىن ورتالىقتا 50 تاربيەلەنۋشى، 2 توپقا توپتاستىرىلعان.
2019-2020 جىلى اتالعان وقۋ ورنىن 40 تۇلەك اياقتاعان. ونىڭ 20-سى مەملەكەتتىك گرانت يەگەرلەرى اتانعان بولاتىن. 2 وقۋشى «التىن بەلگى» مەن بىرەۋى «ۇزدىك اتتەستاتپەن» 11 جىلدى قورىتىندىلاعان.
