Mektepke deiingi shaǵyn ortalyǵy bar №21 orta mektepti jańartýǵa 805,9 mln teńge qarjy bólingen. Bas merdiger – «Qurylysshy-TBS» JShS.
Ǵimarattyń jalpy aýdany 6392,2 sharshy metrdi quraidy. Jobalaý siymdylyǵy 900 orynǵa arnalǵan bilim ordasynyń jóndeý jumystaryna 88 adam tartylǵan. Onyń 44-i jumyspen qamtý ortalyǵy arqyly kelgen.
Mekeme 2 qabattan, 3 bloktan turady. Ǵimarat ishinde 36-oqý kabineti, 2-sport zal, 2-májilis zaly, meditsinalyq, stomatologiialyq kabinet, 60 oryndyq ashana, kitaphana jáne 50 oryndyq shaǵyn ortalyq bar. Sonymen qatar, mektepte zamanaýi zerthana ornalasqan.
Jumys barysyn baǵamdaǵan Amandyq Batalov nysannyń sáýletiniń kelisti, jańa qondyrǵylardyń ornatylyp jatqanyn, oqýshylarǵa barlyq jaǵdai jasalǵanyn kórip oń baǵasyn berdi. Almaty oblysy ákimi, tek qyzmet qaýqaryn kórip qana qoimai mektep ákimshiligine balalardy tasymaldaýǵa arnalǵan bir avtobýstyń kiltin tabystady.
Mektep aldy daiarlyq tobyna 64 bóbek barady. Olardy 3 topqa bólip oqytady. Al, mekeme janynan ashylǵan shaǵyn ortalyqta 50 tárbielenýshi, 2 topqa toptastyrylǵan.
2019-2020 jyly atalǵan oqý ornyn 40 túlek aiaqtaǵan. Onyń 20-sy memlekettik grant iegerleri atanǵan bolatyn. 2 oqýshy «Altyn belgi» men bireýi «Úzdik attestatpen» 11 jyldy qorytyndylaǵan.
