ىندا وتكەن سالتاناتتى شارادا قۇتتىقتاۋ ءسوز سويلەگەن وبلىس اكىمى اماندىق باتالوۆ:
– مىنە، ءۇشىنشى جىل قاتارىنان ءبىز وسىنداي كەزدەسۋ وتكىزىپ، جۋرناليستەر اراسىندا «سامعاۋ» وبلىستىق بايقاۋىنىڭ جۇلدەگەرلەرىن ماراپاتتاپ كەلەمىز. بۇل بايقاۋ ەلباسىنىڭ «رۋحاني جاڭعىرۋ» باعدارلاماسى اياسىندا وتكىزىلىپ وتىر. باعدارلامانى ودان ءارى جۇزەگە اسىرۋعا مەملەكەت باسشىسى قاسىم-جومارت توقايەۆ قولداۋ كورسەتۋدە.
الماتى وبلىسىندا جاسالىپ جاتقان ىستەردى، الەۋمەتتىك-ەكونوميكالىق دامۋداعى بارلىق جەتىستىكتەرىمىزدى رەسپۋبليكا جۇرتشىلىعىنا، سىزدەر، جۋرناليستەر قاۋىمى جەتكىزىپ وتىرسىزدار. سىزدەردىڭ جۇمىستارىڭىزدا ەڭ باستىسى – وبەكتيۆتى جازىپ، كورسەتۋ.
ماعان سىزدەردىڭ تەك جاعىمدى جاڭالىقتارىڭىز عانا ەمەس، سىن ماتەريالدارىڭىز دا كومەكتەسەدى. مەن كۇندەلىكتى جۇمىسىمدى اقپارات قۇرالدارىندا الماتى وبلىسى تۋرالى شىققان ماتەريالداردى وقىپ-تانىسۋدان باستايمىن.
جاقسى جاڭالىق وقىسام، قۋانامىن، پروبلەمالار جايلى بىلگەندە، بىردەن تاپسىرما بەرىپ، ماسەلەنى باقىلاۋىما الامىن، قاجەت بولسا، سول جەرگە بارىپ كورەمىن. سىزدەردىڭ ماعان كوپ كومەكتەرىڭىز تيەدى. سەبەبى بارلىق جەرگە بارىپ، كورىپ، بىلۋگە مەنىڭ مۇمكىندىگىم بولا بەرمەيدى، كوپ نارسەنى سىزدەردىڭ اقپاراتتىڭىز ارقىلى ءوقىپ-بىلىپ وتىرامىن.
الدا ۇلكەن مەرەكە كەلە جاتىر. تاۋەلسىزدىك كۇنىنە وراي سالناتاتتى جيىن وتەدى، كەزەكتە تۇرعان ازاماتتارعا 100-دەن استام پاتەردىڭ كىلتىن بەرەمىز. ياعني سىزدەرگە جازىپ-كورسەتەتىن تاقىرىپ جەتكىلىكتى. بارشاڭىزعا شىعارماشىلىق تابىس، تىلەيمىن! قىزىقتى ماتەريالدارىڭىز كوپ بولىپ، حالىقتىڭ ىقىلاسىنا بولەنە بەرىڭىزدەر، – دەدى ا. باتالوۆ.
بايقاۋ 11 نوميناسيا بويىنشا ءوتىپ، جەڭىمپازدار ماراپاتتالدى. سولاردىڭ قاتارىندا «ۇزدىك جۋرناليست»، «ۇزدىك وپەراتور»، «ۇزدىك بلوگەر»، «ۇزدىك قالالىق، اۋداندىق گازەتتىڭ ءتىلشىسى»، «ۇزدىك مونتاجەر»، «ۇزدىك ءفوتوتىلشى» ت.ب. بار. جەڭىمپازداردىڭ ءارقايسىسىنا ارنايى ستاتۋەتكا، ديپلومدار مەن 200 مىڭنان 500 مىڭ تەڭگەگە دەيىنگى اقشالاي سىيلىق بەرىلدى.
ءبىرىنشى ورىن يەلەرىنىڭ قاتارىندا «حابار» تەلەارناسىنىڭ مەنشىكتى ءتىلشىسى ءادىلحان ساحارييەۆ، بلوگەر، «ۆرەميا» گازەتىنىڭ مەنشىكتى ءتىلشىسى ساندۋعاش دۇيسەنوۆا، فوتوگراف جەڭىس ىسقاباي، «جەتىسۋ شۇعىلاسى» اۋداندىق گازەتىنىڭ ءتىلشىسى زەينەگۇل جۇمابەكوۆا، ديزاينەر ايجان ءسادۋاقاسوۆا بولدى.
ۇزدىك جەلىلىك باسىلىم رەتىندە وبلىستىق «وگني الاتاۋ» گازەتىنىڭ سايتى جەڭىمپاز دەپ تانىلسا، ەكىنشى ورىندى وبلىستىق «جەتىسۋ» گازەتىنىڭ سايتى الدى. ءۇشىنشى ورىن «زامان جارشىسى» اۋداندىق گازەتىنىڭ Karasayinfo.kz سايتىنا بەرىلدى.
«جەتىسۋ» تەلەارناسىنىڭ قىزمەتكەرلەرى دە ءبىرقاتار جۇلدەگە يە بولدى. ماسەلەن، مادينا ايتقالي قىزى – ۇزدىك تەلەجۋرناليست، شالقار قۇسايىنوۆ – ۇزدىك مونتاجەر، ايدوس قالييەۆ ۇزدىك وپەراتور اتاندى. 2 جانە 3 ورىندارعا رەداكتور نازگۇل ايازبايەۆ، وپەراتورلار قايرات قازتۇرعانوۆ، ءمادي بايبوسىنوۆ، بەينەينجەنەر الەكساندر بەلوۆ، رەجيسسەر دانيار مۇستافايەۆ لايىق دەپ تانىلدى.
وبلىس جۋرناليستيكاسىنا قوسقان ۇلەسى ءۇشىن «حابار» تەلەارناسىنىڭ مەنشىكتى ءتىلشىسى، ارداگەر جۋرناليست تىلەۋقابىل مىڭجاسار ماراپاتتالىپ، وبلىس باسشىلىعىنا العىسىن ءبىلدىردى.
– الماتى وبلىسىندا 20 جىلدان استام ءتىلشى بولدىم. ءارقاشان وبلىستا اتقارىلىپ جاتقان ىستەردەن حابار بولىپ وتىردىم. ءقازىر الماتى قالاسىندا تۇرامىن. ءبىراق ءالى كۇنگە دەيىن تالدىقورعاندى، وسى جەردىڭ حالقىن ساعىنامىن. تالدىقورعانعا جول تۇسكەندە، ريزاشىلىقپەن كەلەمىن، ءوڭىردىڭ جاقسىلىقتارىنا سىزدەرمەن بىرگە قۋانىپ جۇرەمىن، – دەدى ت. مىڭجاسار.
جۋرناليستەر اتىنان قاراساي اۋداندىق «زامان جارشىسى» گازەتىنىڭ باس رەداكتورى اتلانا يسايەۆا ءسوز الدى.
– اۋداندىق باسىلىمدارداعى ارىپتەستەرىمنىڭ اتىنان وسىنداي سىيلىق بەرىپ جاتقاندارىڭىز ءۇشىن ەڭ الدىمەن، اماندىق عابباس ۇلى، سىزگە زور العىس ايتامىن. «سامعاۋ» سىيلىعى – بۇل الماتى وبلىسىنداعى اقپارات قۇرالدارى قىزمەتكەرلەرىنىڭ كاسىبي تۇرعىدا ودان ءارى ىزدەنۋى، ءوسۋى ءۇشىن ىنتالاندىراتىن شارا. بۇل بايقاۋعا وڭىرلىكتەن باستاپ ورتالىق باسىلىمدارعا دەيىن، جەلىلىك، ەلەكتروندىق اقپارات قۇلدارىنىڭ دا قاتىسۋىنا مۇمكىندىك جاسالعانى قۋانتادى. بۇل ءاربىر جۋرناليست ءۇشىن ءوزىنىڭ كاسىبي ماشىعىن دامىتۋعا، تالانتىن ۇشتاۋعا بەرىلگەن قوسىمشا مۇمكىندىك، - دەي كەلە ا. يسايەۆا جەڭىمپاز ارىپتەستەرىنە قۇتتىقتاۋ تىلەگىن ءبىلدىردى.
شارا سوڭى مەرەكەلىك كونسەرتپەن تۇيىندەلدى.
الماتى وبلىسى اكىمىنىڭ باسپا ءسوز قىزمەتى
