الماتى وبلىسىنىڭ اكىمى اماندىق باتالوۆ جۋرناليستەر ۇيىندە بولىپ، «جەتىسۋ» تەلەارناسىنىڭ ۇجىمىن «تۇمار» تەليەۆيزيالىق بايقاۋىنىڭ «ۇزدىك وڭىرلىك تەلەارنا» اتالىمىنىڭ جەڭىمپازى اتانۋىمەن قۇتتىقتادى، - دەپ حابارلايدى الماتى وبلىسى اكىمىنىڭ باسپا ءسوز قىزمەتى.



وبلىس اكىمى ا. باتالوۆ ءوز سوزىندە جۋرناليستەردى جەڭىسىمەن قۇتتىقتاپ، شىعارماشىلىق تابىس تىلەدى.

– تەلەارنامىزدىڭ جەڭىمپاز اتانۋى - جەتىسۋ جۇرتشىلىعى ءۇشىن قۋانىشتى وقيعا.بۇل ۇجىمداناعىز ءوز ءىسىنىڭ شەبەرلەرى ەڭبەك ەتىپ جاتقانىن كورسەتەدى. ماتەريالدىق-تەحنيكالىق جاعىنان جوعارى دەڭگەيدە جابدىقتالۋىنا بارىنشا جاعداي جاساپ، جىل سايىن اۋقىمدى قارجى ءبولىپ وتىرامىز. ماسەلەن، بيىلعى جىلى 413 ملن. تەڭگە قاراستىرىلعان. ءبىز ءوز تاراپىمىزدان بۇدان كەيىن دە وسىنداي قولداۋ شارالارىن جالعاستىراتىن بولامىز. سوعان سايكەس سىزدەردىڭ دە دايىندايتىن حابارلارىڭىزدىڭ ساپاسى جوعارى بولىپ، وسىنداي بيىكتەن كورىنە بەرەدى دەپ سەنەمىن. جەڭىستەرىڭىز قۇتتى بولسىن! – دەدى ا. باتالوۆ.

مۇنان سوڭ ءسوز العان «اپتا» باعدارلاماسىنىڭ جۇرگىزۋشى ءجۋرناليسى گۇلجانات ماقۇلجانوۆا، وبلىستىق «جەتىسۋ» گازەتىنىڭ باس رەداكتورى امىرە ءارىن، «ولكە تىنىسى» ج ش س باس ديرەكتورى مەيرام ءجانادىلوۆ، تەلەارنا باس ديرەكتورىنىڭ ورىنباسارى سەرىك سارىبايەۆ ءسوز الىپ، ارىپتەستەرىن جەتىستىكتەرىمەن قۇتتىقتادى.



سونىمەن قاتار جۋرناليستەر تاراپىنان ءبىرقاتار ۇسىنىستار ايتىلىپ، وبلىس باسشىلىعى تاراپىنانقولداۋ تاپتى. اتاپ ايتقاندا، استانانىڭ 20 جىلدىعى قارساڭىندا «جەتىسۋ» تەلەارناسىنىڭ استانا قالاسىندا تىلشىلەر قوسىنىن اشۋ ماسەلەسى قاراستىرىلاتىن بولدى.

كەزدەسۋ بارىسىندا وبلىس اكىمىنىڭ ورىنباسارى ج. ومار، تەلەارنانىڭ باس ديرەكتورى ب. قۇرانبەك ءسوز الىپ، وبلىس اكىمىنىڭ تەلەارناعا ارنايى كەلىپ، ۇجىمدى قۇتتىقتاۋى جۋرناليستەردىڭ جۇمىسىنا دەگەن قۇرمەتىن كورسەتەتىنىن اتاپ ءوتىپ، الداعى ۋاقىتتا دا ۇزدىكتەر قاتارىندا ناتيجەلى جۇمىس جۇرگىزەتىندەرىنە سەندىردى.

وسى كەزدەسۋدە تەلەارنانىڭ ءبىرقاتار قىزمەتكەرلەرىنە وبلىس اكىمىنىڭ العىس حاتى تابىستالدى.

 

الماتى وبلىسى اكىمىنىڭ باسپا ءسوز قىزمەتى