Oblys ákimi A. Batalov óz sózinde jýrnalisterdi jeńisimen quttyqtap, shyǵarmashylyq tabys tiledi.
– Telearnamyzdyń jeńimpaz atanýy - Jetisý jurtshylyǵy úshin qýanyshty oqiǵa.Bul ujymdanaǵyz óz isiniń sheberleri eńbek etip jatqanyn kórsetedi. Materialdyq-tehnikalyq jaǵynan joǵary deńgeide jabdyqtalýyna barynsha jaǵdai jasap, jyl saiyn aýqymdy qarjy bólip otyramyz. Máselen, biylǵy jyly 413 mln. teńge qarastyrylǵan. Biz óz tarapymyzdan budan keiin de osyndai qoldaý sharalaryn jalǵastyratyn bolamyz. Soǵan sáikes sizderdiń de daiyndaityn habarlaryńyzdyń sapasy joǵary bolyp, osyndai biikten kórine beredi dep senemin. Jeńisterińiz qutty bolsyn! – dedi A. Batalov.
Munan soń sóz alǵan «Apta» baǵdarlamasynyń júrgizýshi jýrnalisi Gúljanat Maquljanova, oblystyq «Jetisý» gazetiniń bas redaktory Ámire Árin, «Ólke tynysy» JShS bas direktory Meiram Janádilov, telearna bas direktorynyń orynbasary Serik Sarybaev sóz alyp, áriptesterin jetistikterimen quttyqtady.
Sonymen qatar jýrnalister tarapynan birqatar usynystar aitylyp, oblys basshylyǵy tarapynanqoldaý tapty. Atap aitqanda, Astananyń 20 jyldyǵy qarsańynda «Jetisý» telearnasynyń Astana qalasynda tilshiler qosynyn ashý máselesi qarastyrylatyn boldy.
Kezdesý barysynda oblys ákiminiń orynbasary J. Omar, telearnanyń bas direktory B. Quranbek sóz alyp, oblys ákiminiń telearnaǵa arnaiy kelip, ujymdy quttyqtaýy jýrnalisterdiń jumysyna degen qurmetin kórsetetinin atap ótip, aldaǵy ýaqytta da úzdikter qatarynda nátijeli jumys júrgizetinderine sendirdi.
Osy kezdesýde telearnanyń birqatar qyzmetkerlerine oblys ákiminiń alǵys haty tabystaldy.
Almaty oblysy ákiminiń baspasóz qyzmeti
