2026 jylǵy qańtar-tamyz arasynda «Halyk-Life» AQ 242,1 mlrd teńge saqtandyrý syilyqaqysyn jinady. Bul – Qazaqstandaǵy ómirdi saqtandyrý naryǵyndaǵy syilyqaqylardyń jiyntyq kóleminiń shamamen 26,5%-y. Kompaniia qyzmetiniń negizgi baǵyty – klassikalyq jáne jinaqtaýshy ómirdi saqtandyrý, zeinetaqy annýiteti jáne qyzmetkerlerdi jazataiym oqiǵalardan mindetti saqtandyrý, dep habarlaidy Dalanews.kz.
Qazaqstandaǵy ómirdi saqtandyrý naryǵy qarqyndy damyp keledi. 2026 jyldyń 8 aiynyń qorytyndysy boiynsha ómirdi saqtandyrý boiynsha saqtandyrý syilyqaqylardyń kólemi 913,3 mlrd teńgege jetti. Salystyrý úshin alar bolsaq, byltyr osy kezeńde 664,2 mlrd teńge bolǵan edi.
Bul naryqtaǵy eń iri kompaniialardyń biri – Halyk Life bolyp qala beredi. Biyl 8 ai ishinde kompaniia 242,1 mlrd teńge saqtandyrý syilyqaqylaryn jinady.
Zeinetaqy annýitetterine degen suranys joǵary bop tur
Naryqtyń eń serpindi segmentteriniń biri – zeinetaqy annýiteti bolyp qala beredi. 2026 jylǵy qańtar-shildede saqtandyrý sektorynyń zeinetaqy syilyqaqy kólemi 500 mlrd teńgege jaqyndady, al annýitettik saqtandyrý segmenti jylyna 32%-ǵa ósim kórsetti.
Zeinetaqy annýiteti – zeinetke shyqqan soń turaqty tólem alyp turýǵa múmkindik beredi. Ózi tańdaǵan baǵdarlama boiynsha klient ómir boiy tólem alýǵa quqyly. Sondai-aq sharttyń talaby aiasynda jinaǵy indeksatsiialanyp, otbasy men muragerlerdiń múddelerin qorǵaý mehanizmine súiene alady.
Bul quralǵa qyzyǵýshylyq artýynyń túp sebebi azamattardyń zeinetke shyqqan soń alatyn tabysyna kóbirek kóńil bóle bastaýy, eńbek joly aiaqtalǵan soń qarjydan qysylmaityn kózderdi aldyn-ala daiarlaýǵa umtylýymen bailanysty.
Bilim – uzaq merzimdi jinaqtaý maqsatynyń birine ainalýda
Bul salada damyp kele jatqan taǵy bir baǵyt – jinaqtai otyryp ómirdi saqtandyrý baǵdarlamalary. Atap aitqanda, 3 jyldan 20 jylǵa deiin jasalatyn «Bilim-Life» baǵdarlamasy. Ol boiynsha bolashaqta joǵary bilim alý aqysyn tóleý úshin kapital jinaýǵa múmkindik beredi.
Baǵdarlama tek bala bilim alý úshin qarajat jinaýdy kózdemeidi. Bul qural boiynsha eresekter de bilim alýǵa qarjy jinai alady. Shartty balanyń ata-anasy, jaqyn týysy nemese zańdy ókili jasai alady, al jinaq tańdalǵan kestege bailanysty-ai saiyn, toqsan saiyn, jarty jylda bir ret, jyl saiyn nemese bir ret tolyqtyrylady.
Júieniń artyqshylyqtarynyń biri – memlekettiń qoldaýy: Baǵdarlama aiasynda zańda belgilengen limit sheginde jylyna 5%, alkei jekelegen sanattaǵy azamattar úshin 7% memlekettik syilyqaqy kózdelgen.
Bilim berýge jinaqtai otyryp saqtandyrýǵa degen qyzyǵýshylyq memlekettik qoldaý kólemimen de rastalady. Biyl tamyz aiynda qarjy ortalyǵy 2026 jyldyń birinshi jartyjyldyǵyndaǵy sharttar boiynsha 65,1345 mln teńge memlekettik qoldaý somasyn aýdardy.
Saqtandyrý qarjylai josparlaýdyń bir bóligine ainalyp keledi
Zeinetaqy jáne bilim berýge arnalǵan túrlerinen basqa, Halyk Life ártúrli ómirlik jaǵdailarǵa arnalǵan saqtandyrý jáne jinaqtaý baǵdarlamalaryn da damytyp keledi. Kompaniianyń ónim jelisinde life-Qorǵaý, Life-Jol, life-Renta, Báiterek, Halyk-Qazyna, sondai-aq zeinetaqy annýiteti jáne JOMS baǵdarlamalary usynylǵan.
Jumys ornynda qyzmetkerlerdi jazataiym oqiǵalardan mindetti saqtandyrý jeke mańyzdy baǵyt bolyp qala beredi. Ol qyzmetkerlerdi qarjylyq qorǵaýdy qamtamasyz etedi jáne jumys berýshilerdiń áleýmettik jaýapkershilik júiesiniń bóligi bolyp tabylady.
Naryq damyǵan saiyn jeke qarjy qurylymyndaǵy ómirdi saqtandyrýdyń róli de ózgeredi. Eger buryn saqtandyrý polisi kútpegen jaǵdailardan qorǵaý retinde qabyldansa, búginde uzaq merzimdi saqtandyrý baǵdarlamalary naqty qarjylyq mindetterdi sheshý úshin – zeinetaqy tabysyn qalyptastyrý, bilim alýǵa jinaqtaý, otbasyn qorǵaý jáne qarjylyq turaqtylyqty saqtaý úshin kóbirek qoldanylady.
Naryq qatysýshylary úshin bul tek ónim túrlerin keńeitý ǵana emes, sonymen qatar saqtandyrý sheshimderiniń erekshelikterin jáne olardy uzaq merzimdi josparlaýda paidalaný múmkindikterin túsindire otyryp, tutynýshylardyń qarjylyq saýattylyǵyn arttyrý qajettiligin bildiredi.
Halyk Life Qazaqstannyń ómirdi saqtandyrý naryǵynyń iri oiynshylarynyń biri bola otyryp, halyq pen biznestiń qarjylyq qajettilikterin ózgertýge baǵdarlana otyryp, klassikalyq jáne jinaqtaýshy saqtandyrý, zeinetaqy annýitetteri jáne korporativtik saqtandyrý baǵyttaryn damytýdy jalǵastyrýda.
