Jasulan Bisembiev Atyraý oblysy ákiminiń orynbasary qyzmetinen ketkenin málimdedi, dep habarlaidy dalanews.kz.
Ol bul týraly áleýmettik jelidegi paraqshasynda jazyp, týǵan óńiriniń damýyn aldaǵy ýaqytta da nazardan tys qaldyrmaitynyn atap ótti.
«Maǵan týǵan ólkem – Atyraý oblysyna qyzmet etý úlken mártebe, mańyzdy ómir mektebi jáne zor jaýapkershilik boldy», – dep jazdy Jasulan Bisembiev.
Sondai-aq ol áriptesterine, qala jáne aýdan ákimdikterine, memlekettik mekemeler qyzmetkerlerine, qoǵamdyq belsendiler men óńir turǵyndaryna birlesken jumys, qoldaý jáne senim úshin alǵys aitty. Jasulan Bisembiev Atyraý oblysy ákiminiń orynbasary qyzmetine 2022 jyldyń tamyz aiynda taǵaiyndalǵan bolatyn. Bul qyzmette ol áleýmettik sala, ekonomika, biýdjet jáne basqa da baǵyttarǵa jetekshilik etti.
Oǵan deiin oblystyq Ishki saiasat basqarmasyn, Jastar saiasaty máseleleri basqarmasyn basqarǵan. Sondai-aq Atyraý qalalyq Jastar resýrstyq ortalyǵynyń direktory qyzmetin atqarǵan. Eńbek jolyn 2008 jyly «Jasyl el» jastar eńbek jasaǵynyń Atyraý filialynda bastaǵan. Ár jyldary «Tarlan-Atyraý» qoǵamdyq birlestiginiń tóraǵasy, «Atyraý Aqparat» mekemesi basshysynyń kómekshisi, jekemenshik kompaniia menedjeri jáne Azamattyq bastamalardy qoldaý ortalyǵy basqarma tóraǵasynyń orynbasary bolyp jumys istegen.
Jasulan Bisembiev Atyraý politehnikalyq kolledjin «Býhgalterlik esep jáne aýdit» mamandyǵy boiynsha, Halel Dosmuhamedov atyndaǵy Atyraý memlekettik ýniversitetin «Qarjy» mamandyǵy boiynsha támamdaǵan. Sonymen qatar Reseidegi Astrahan memlekettik ýniversitetinde áleýmettaný magistri dárejesin alǵan.
