اماندىق باتالوۆ: «ەت ەكسپورتىنىڭ جوسپارىن ورىنداۋ – باستى مٸندەت»
الماتى وبلىسىندا مال شارۋاشىلىعى تۇراقتى دامىپ, 2017 جىلى «سىباعا» مەملەكەتتٸك باعدارلاماسى 147%, «التىن اسىق» – 159, «قۇلان» – 127% ورىندالدى. وسىنىڭ بارلىعى مال باسىنىڭ ورتا ەسەپپەن 3,5 % ٶسۋٸنە مٷمكٸندٸك بەرٸپ,اۋىل ازاماتتارىنىڭ جىل بويى جۇمىسپەن قامتىلۋىنا ىقپال ەتتٸ. بۇل تۋرالى وبلىس ەكٸمٸ ا. باتالوۆ تۇرعىندار الدىنداعى ەسەپ بەرۋ جيىنىنداعى بايانداماسىندا ايتتى, – دەپ حابارلايدى الماتى وبلىسى ەكٸمٸنٸڭ باسپاسٶز قىزمەتٸ.
وبلىس باسشىسىنىڭ ايتۋىنشا, بٷگٸندە ٶڭٸردە 51 مىڭ باس ٸرٸ قاراعا ارنالعان 78 مال بورداقىلاۋ الاڭى جۇمىس ٸستەيدٸ. ەندٸگٸ باستى مٸندەت – ەت ەكسپورتىنىڭ جوسپارىن ورىنداۋ.
– بيىلعى جىلى يراندىق «يمپەرييا فۋد» كومپانيياسىنىڭ ەت ٶڭدەيتٸن كەشەنٸن ٸسكە قوسۋ ارقىلى بۇل مٸندەتتٸ ورىندايتىن بولامىز. كەشەن جوبالىق قۋاتىنا ساي جىلىنا 8مىڭ توننا دايىن ٶنٸم شىعارا الادى. بيىلعى جىلدىڭ ٶزٸندە شەت ەلدەرگە 700 تونناعا دەيٸن ەت ەكسپورتتاۋدى جوسپارلاپ وتىرمىز, – دەدٸ ا. باتالوۆ.
الماتى وبلىسى ەكٸمٸنٸڭ باسپاسٶز قىزمەتٸ
