Amandyq Batalov: «Et eksportynyń josparyn oryndaý – basty mindet»
Almaty oblysynda mal sharýashylyǵy turaqty damyp, 2017 jyly «Sybaǵa» memlekettik baǵdarlamasy 147%, «Altyn asyq» – 159, «Qulan» – 127% oryndaldy. Osynyń barlyǵy mal basynyń orta eseppen 3,5 % ósýine múmkindik berip,aýyl azamattarynyń jyl boiy jumyspen qamtylýyna yqpal etti. Bul týraly oblys ákimi A. Batalov turǵyndar aldyndaǵy esep berý jiynyndaǵy baiandamasynda aitty, – dep habarlaidy Almaty oblysy ákiminiń baspasóz qyzmeti.
Oblys basshysynyń aitýynsha, búginde óńirde 51 myń bas iri qaraǵa arnalǵan 78 mal bordaqylaý alańy jumys isteidi. Endigi basty mindet – et eksportynyń josparyn oryndaý.
– Biylǵy jyly irandyq «Imperiia Fýd» kompaniiasynyń et óńdeitin keshenin iske qosý arqyly bul mindetti oryndaityn bolamyz. Keshen jobalyq qýatyna sai jylyna 8myń tonna daiyn ónim shyǵara alady. Biylǵy jyldyń ózinde shet elderge 700 tonnaǵa deiin et eksporttaýdy josparlap otyrmyz, – dedi A. Batalov.
Almaty oblysy ákiminiń baspasóz qyzmeti
