ونىڭ ايتۋىنشا, مەملەكەت باسشىسىنىڭ باستاماسىمەن ەلٸمٸزدەگٸ ساياسي جٷيەنٸ قايتا جاڭعىرتۋ پروتسەسٸ كونستيتۋتسييالىق رەفورمادان ناقتى باستاۋ الدى. ەندٸگٸ ماڭىزدى قادام – ٷكٸمەتتٸڭ جاڭا قۇرامىن جاساقتاۋ.
– «AMANAT» سايلاۋدا كٶپشٸلٸكتٸڭ داۋىسىنا يە بولىپ جەڭٸسكە جەتكەن پارتييا رەتٸندە بٷگٸن پرەمەر-مينيستر لاۋازىمىنا كانديداتۋرا ۇسىندى. مۇنداي تەجٸريبە پارلامەنتتٸڭ رٶلٸن كٷشەيتٸپ قانا قويماي, ساياسي پارتييالاردىڭ جاۋاپكەرشٸلٸگٸن ارتتىرادى. ەندٸگٸ كەزەكتە ٷكٸمەتتٸڭ جۇمىسى فراكتسييا تاراپىنان جٸتٸ باقىلاۋدا بولىپ, ونىڭ ەربٸر شەشٸمٸ پارتييا ٸشٸندە سۇرالاتىن بولادى. بۇل جۇمىس مەجٸلٸستەگٸ فراكتسييانىڭ بەدەلٸ مەن ونىڭ فۋنكتسيونالدىق مٷمكٸندٸكتەرٸن كەڭەيتەدٸ, – دەدٸ پارتييا فراكتسيياسىنىڭ جەتەكشٸسٸ.
سونداي-اق, ەلنۇر بەيسەنباەۆ قاجەت بولسا, پارتييا تيٸستٸ شارالار قولدانۋعا دايىن ەكەنٸن مەلٸمدەدٸ.
– بۇل – پرەزيدەنت جارييالاعان «كٷشتٸ پرەزيدەنت – ىقپالدى پارلامەنت – ەسەپ بەرەتٸن ٷكٸمەت» قاعيداتىنىڭ ناقتى ٸسكە اسۋى دەپ بٸلەمٸز. راس, سوڭعى بٸر جىلدا ٷكٸمەتكە قوعام تاراپىنان ايتىلعان سىن از بولعان جوق. بٸراق, مينيسترلەر كابينەتٸنٸڭ نەبەرٸ بٸر-اق جىل جۇمىس ٸستەگەنٸن ەسكەرۋٸمٸز قاجەت. بٸر جىل – ٷكٸمەتتٸڭ جۇمىسىن وبەكتيۆتٸ باعالاۋ ٷشٸن تىم قىسقا ۋاقىت, – دەدٸ ەلنۇر بەيسەنباەۆ.
سونىمەن قاتار, ول ەلٸمٸزدە باعانىڭ تۇراقتاماۋى, جۇمىسسىزدىق, ازاماتتاردىڭ تابىسىن ارتتىرۋ, جىلۋمەن قامتاماسىز ەتۋ, ينفراقۇرىلىمدى جاقسارتۋ, اۋىلدى تٷلەتۋ سيياقتى ٷكٸمەتتٸڭ الدىندا اسا اۋقىمدى مٸندەتتەر تۇرعانىن اتاپ ٶتتٸ.
– بٸز بۇل مەسەلەلەردٸ جاقسى بٸلەمٸز جەنە ونى ٷكٸمەتپەن بٸرگە شەشۋٸمٸز قاجەت. ٷكٸمەتتٸ جيٸ اۋىستىرعاننان مەسەلەلەر شەشٸلۋٸ بىلاي تۇرسىن, قوردالانا بەرەتٸنٸن ۋاقىت كٶرسەتتٸ. سوندىقتان, مينيسترلەر كابينەتٸ بىلتىر باستاعان ٸستٸ جالعاستىرىپ, حالىقتىڭ ەل-اۋقاتىن ارتتىرۋ بويىنشا جۇمىستى تەز ارادا شيراتۋى قاجەت, – دەپ تٷيٸندەدٸ ول.
