نازارباەۆ رەجيمٸنە قىزمەت ەتٸپ, ارتىنشا بيلٸكپەن تٸل تابىسا الماي وپپوزيتسييا جاعىنا شىققان ساياسي تۇلعالاردىڭ قازاقستاندا ازاماتتىق قوعامدىق قۇرۋشى, دەموكراتييانىڭ جانكٷيەرٸ دەپ كەسٸپ ايتۋعا بولمايدى. سوڭعى ۋاقىتتارى قازاق قوعامى بۇل مەسەلەگە قايتا ورالىپ, ەلٸمٸزدٸڭ اقپاراتتىق كەڭٸستٸگٸندە كەڭٸنەن تالقىلاۋدا.
وسىدان بٸرشاما ۋاقىت بۇرىن بەلگٸلٸ جۋرناليست قاسىم امانجول زامانبەك نۇرقادٸلوۆتى دەموكرات ادام دەپ ايتا المايتىنىن اشىپ ايتقان ەدٸ.
تاياۋدا «مٷمكٸن ەمەس» ارناسىنا سۇحبات بەرگەن تاعى بٸر جۋرناليست بيگەلدٸ عابدۋللين قازاق قوعامىندا وپپوزيتسييالىق ساياساتكەر رەتٸندە تانىلعان ساياسي تۇلعا, مارقۇم التىنبەك سەرسەنباەۆتىڭ قانشالىقتى دەموكرات بولعانىن ايتىپ, ايدى اسپاننان بٸراق شىعاردى.
بيگەلدٸ عابدۋلين كەزٸندە ٶزٸ اشقان «نوۆوە پوكولەنيە» باسىلىمىن التىنبەك سەرسەنباەۆ ەكٸمشٸلٸك رەسۋرستىڭ كٷشٸمەن تارتىپ الىپ, راحات ەليەۆتٸڭ اتىنا قالاي جازىپ بەرگەنٸن ەڭگٸمەلەپ بەردٸ.
– بٷگٸندە بٸراز التىنبەك سەرسەنباەۆتى «ناعىز دەموكرات» دەپ جەر-كٶككە سىيعىزباي ماقتايمىز عوي. شىندىعىندا ول ەشقانداي دا دەموكرات بولعان ەمەس. قايتا ەلٸمٸزدەگٸ تەۋەلسٸز باسىلىمداردى تۇنشىقتىرۋشىلاردىڭ بٸرٸ بولدى. ول ٶمٸرٸنٸڭ سوڭعى كەزٸندە عانا وپپوزيتسييا قاتارىنا ٶتٸپ, دەموكرات اتاندى. ال قولىندا بيلٸگٸ بولعاندا ەلٸمٸزدەگٸ باسىلىمداردى باقىلاۋدا ۇستاپ, باسىپ-جانشىدى. تٸپتٸ, بۇل جايىندا ايتارعا سٶزٸم جوق.
ول جەكەمەنشٸك گازەتتەردٸ مەملەكەتكە قايتارۋدىڭ تٷرلٸ جولدارىن ويلاپ تاپتى. ايتالىق, ول مەنەن «نوۆوە پوكولەنيە» گازەتٸن الىپ قويۋدا بارلىق ايلا-شاراسىن ٸستەپ باقتى. سول كەزدەگٸ اقپارات سالاسىنا جاۋاپتى مينيسترلٸكتٸڭ اتاۋى ٶزگەرگەندە «بٸزدٸڭ مينيسترلٸكتٸڭ اتاۋى ٶزگەردٸ, ەندٸ بارلىق گازەتتەر تٸكەلەي مينيسترلٸككە باعىنىشتى بولۋى كەرەك. گازەتٸڭٸزدٸ بٸزگە بەرۋٸڭٸز كەرەك» دەپ ورىنسىز تالاپ قويدى.
وسىلايشا «نوۆوە پوكولەنيە» گازەتٸنٸڭ 49% اكتسيياسىن الىپ الدى. سول كەزدە مەجٸلٸستە وتىرىپ, بٸزگە اراشا تٷسكەن شەرحان مۇرتازا مەن التىنشاش جاعانوۆانىڭ سٶزٸنە پىسقىرىپ تا قاراعان جوق.
ارادا بەس جىل ٶتكەننەن كەيٸن تاعى حابارلاسىپ, «بٸزدەر گازەتتٸ تولىقتاي ٶز باقىلاۋىمىزعا الاتىن بولدىق» دەپ باسىلىمدى تولىقتاي يەلٸگٸنە الىپ, ارتىنشا «نوۆوە پوكولەنيە» باسىلىمىن نازارباەۆتىڭ ٷلكەن كٷيەۋ بالاسى راحات ەليەۆتٸڭ اتىنا جازىپ بەردٸ. ەگەر التىنبەك سەرسەنباەۆ سٶز بوستاندىعىنىڭ جاقتاۋشىسى بولسا, وسىنداي قادامعا بارار ما ەدٸ? – دەپ بيگەلدٸ عابدۋللين سىرىن ايتىپتى.
يە, التەكەڭنٸڭ كەزٸندە مينيسترلٸك تاراپىنان اقپارات قۇرالدارىنا باقىلاۋ كٷشتٸ بولعانى جاسىرىن ەمەس. مۇنى جۋرناليستەر قاۋىمى جاقسى بٸلەدٸ.
