ەلوردا اكىمى التاي كولگىنوۆ ەسىل اۋدانىنىڭ پوليسيا باسقارماسىنىڭ جاڭا عيماراتىنىڭ اشىلۋىنا قاتىستى. سالتاناتتى جيىندا قالا اكىمى ەلوردادا قوعامدىق قاۋىپسىزدىكتى قامتاماسىز ەتىپ جۇرگەن ءتارتىپ ساقشىلارىنىڭ جاڭا عيماراتقا كوشۋى ولاردىڭ جۇمىسىن جانداندىرۋىنا سەپتەسەتىنىن العا تارتتى.

– ەلباسى نۇرسۇلتان نازاربايەۆ قوعامدا كەز كەلگەن قۇقىق بۇزۋشىلىققا مۇلدەم توزبەۋشىلىك قالىپتاستىرۋ مىندەتىن قويعانى بارشامىزعا ءمالىم. سىزدەر يگى ميسسيانى ورىنداپ، كۇنى-تۇنى جۇمىس ىستە جۇرسىزدەر. ازاماتتاردىڭ قاۋىپسىزدىگىن قامتاماسىز ەتەسىز ول وڭاي جۇمىس ەمەس. سىزدەردىڭ قاجىرلى ەڭبەكتەرىڭىزدى ارقاسىندا باس قالامىزداعى قىلمىستىڭ كولەمى 40%-عا ازايدى. بۇل ۇلكەن كورسەتكىش، – دەدى التاي كولگىنوۆ.

ق ر پرەزيدەنتى قاسىم-جومارت توقايەۆ ق ر ىشكى ىستەر مينيسترلىگىنىڭ كەڭەيتىلگەن القا وتىرىسىندا ۆەدومستۆونىڭ جۇمىسى جۇيەلى جانە ناقتى ۇيىمداستىرىلۋعا ءتيىس ەكەنىن، باستى مىندەت – قازاقستاندىقتاردىڭ قۇقىقتارىن قورعاۋدى قامتاماسىز ەتۋ ەكەنىن اتاپ وتكەنى ەسىمىزدە.

– حالىق پوليسياعا سەنۋى كەرەك. حالىقتىڭ سەنىمى پوليسيا جۇمىسىڭىزدىڭ كورسەتكىشى بولۋى ءتيىس. نۇر-سۇلتان قالاسى اكىمدىگى پوليسەيلەردىڭ ەڭبەك جاعدايىن جاقسارتۋ كوپتەگەن جۇمىستار اتقارىپ جاتىر. سوڭعى ۋاقىتتاردىڭ وزىندە اۋداندا دەپارتامەنت باسقارمالارى جاڭا عيماراتقا كوشىپ، ءتارتىپ ساقشىلارى ونداعان جاڭا اۆتوكولىككە يە بولدى. سونىمەن قاتار، تۇرعىن ءۇي جاعدايىن جاقسارتۋ دا ءبىزدىڭ باستى نازارىمىزدا. بىزدەر پوليسيا ەڭبەگىن ءاردايىم جوعارى باعالايمىز. سىزدەردى كەلە جاتقان كونستيتۋسيا كۇنىمەن قۇتتىقتاي وتىرىپ، سىزدەرگە جانە وتباسىلارڭىزعا زور دەنساۋلىق تىلەيمىن، – دەپ قالا باسشىسى اقجارما تىلەگىن اقتاردى.

سالتاناتتى شارا بارىسىندا ەلوردا اكىمى ەرلىكپەن كوزگە تۇسكەن پوليسەيلەردى ماراپاتتادى.

ولاردىڭ قاتارىندا ءورت كەزىندە بالالى انانى قۇتقارعان دىنمۇحامبەت ماسادىقوۆ سىندى ءوز ىسىنە بەرىلگەن ازاماتتار بولدى. ەندى ەسىل اۋدانىنىڭ قاۋىپسىزدىگىن قاداعالايتىن 400-دەن استام پوليسەي جاڭا عيماراتتا جۇمىس ىستەيدى.