"القابيلەردىڭ بەسەۋى ەر ادام". ساراپشى بيشىمبايەۆتىڭ سوزىنە تالداۋ جاسادى

كوركەم الدابەرگەنوۆا 02 ءساۋ. 2024 14:52 6531

بەلگىلى كوۋچ، ساراپشى روزا اشىربايەۆا قۋاندىق بيشىمبايەۆتىڭ سوتتاعى مالىمدەمەلەرى مەن ادۆوكاتتارىنا قاتىستى پىكىر ءبىلدىردى، - دەپ حابارلايدى Dalanews.kz.

اشىربايەۆانىڭ سوزىنشە، قازىرگى تاڭدا سوتقا قاتىستى اقپاراتتىق شابۋىلدار باستالعان.

«بيشىمبايەۆتىڭ ادۆوكاتتارى «ءبىز قالاي قورعانامىز؟» دەپ تالقىلاعان كەزدە، ولاردىڭ بار ويىنا كەلگەنى وسى. ياعني سالتاناتتى بارىنشا جامان كورسەتسەك، وندا جازا رەتىندە از مەرزىم بەرىلەدى دەگەن ويعا كەلگەن. سەنارييدى سولاي قۇرعان. سالتاناتتىڭ ءوزىن كىنالى قىلىپ شىقپاق.

بيشىمبايەۆتىڭ ادۆوكاتتارى نە ءۇشىن بۇلاي ىستەپ وتىر؟ سەبەبى قازاقستاندا 20 ميلليون ادام بولسا، ونىڭ 10 ميلليونى ەر ادام. ستاتيستيكا بويىنشا، ەر ادامدار مەملەكەتتىك قىزمەتتە، باسشىلىق قىزمەتتە، ازاماتتىق بەلسەندى ادامدار. ال ەر ادامداردىڭ كوبى كۇيەۋى ايەلىن ۇرسا دەمەك ايەل ءوزى كىنالى، تىلدەن تاپتى دەپ ويلايدى. ادۆوكاتتار ادەيى وسى تاقىرىپقا بۇرمالاپ اكەلە جاتىر. سەبەبى «سالتاناتتىڭ ءوزى سونداي، جەڭىلتەك، اشۋلانا بەرەدى» دەگەن ايىپتاۋلار الەۋمەتتىك جەلىگە تاراپ كەتسە، ارتىندا بيشىمبايەۆ بۇكىل ەر ازاماتتارعا ۇندەۋ جاساپ جاتىر دەگەن ءسوز. ەر ازاماتتارعا سيگنال جاساپ جاتىر. قۇقىق قورعاۋ ورگاندارىندا كوبىنە جۇمىس ىستەيتىن ەر ادامدار، القابيلەردىڭ بەسەۋى ەر ادام. سوندىقتان بيشىمبايەۆ جازاسىن وتەۋ مەرزىمىن ازايتۋ ءۇشىن ايانباي ادىلەتسىز تۇردە سالتانات پەن ونىڭ وتباسىن قارالاپ جاتىر»، - دەيدى ساراپشى.

سونىمەن قاتار، روزا اشىربايەۆانىڭ سوزىنشە، بيشىمبايەۆ سالتانات ەكەۋىنىڭ اراسىندا عانا بولعان دالەلى جوق جاعدايدى ادەيى ايتقان. 

"سالتاناتتىڭ ەموسياسى اۋىسا بەرەدى، مەن وعان ءدارى بەردىم" دەگەن نارسەلەردى ايتادى. وعان دالەل جوق. ونى جوققا شىعاراتىن ءبىر ادام عانا - سالتانات. اۋزىنا كەلگەنىن ايتىپ جاتىر"، - دەيدى اشىربايەۆا.   

ايتا كەتەيىك، بۇعان دەيىن بەلگىلى زاڭگەر ەرجان ەسىمحانوۆ "بيشىمبايەۆ ءىسى" ەلدەگى سوت جۇيەسىنىڭ قانداي كۇيدە ەكەنىن اشكەرەلەپ بەرگەن بولاتىن. 

ايتا كەتەيىك، الەۋمەتتىك جەلىدە قازاقستاندىقتار سۋديا، پروكۋرور مەن ادۆوكاتتاردىڭ دورەكىلىگىنە نارازى بولعان. زاڭگەردىڭ سوزىنشە،ولاردىڭ ءوزىن ۇستاۋىنا تاڭعالۋدىڭ قاجەتى جوق.

«بۇل بۇكىل ەل ونلاين كورۋگە مۇمكىندىك العان اۋقىمدى پروسەسس، سوندىقتان كاسىبي ماماندار دا، قاتىسى جوق ادامدار دا پروسەسكە قاتىستى پىكىر بىلدىرۋگە تىرىسىپ جاتىر. ولاردىڭ كوبى پروسەسس قالاي ءوربىپ جاتقانىنا نارازى. پروكۋرورلار سەلقوس، ايىپتالۋشىنىڭ ادۆوكاتتارى دورەكى، سۋديا پروسەستى باقىلاۋدا ۇستاماي وتىر دەيدى. سوندىقتان ادامداردا پروسەسس باقىلاۋدا تۇر، شەشىم بەلگىلى، ادىلدىك بولمايدى دەگەندەي وي قالىپتاسقانداي بولعان.

بۇل قالىپتى نارسە، اركىم ءوز ويىن ايتۋعا قۇقىلى. ءبىراق ءبىر نيۋانس بار. مۇنى بۇعان دەيىن سوت پروسەستەرىنە قاتىسقان ادام تۇسىنەدى. ولاردىڭ ءوزىن بۇلاي ۇستاۋى جاڭالىق ەمەس، ولار ءوزىن ۇنەمى وسىلاي ۇستايدى. ۇنەمى. پروكۋرورلار سەلقوس. ءبىر تۇجىرىمدى قايتالاي بەرەدى. زاڭگەرلەر ولار نە ءۇشىن ءبىر نارسەنى قايتالاي بەرەتىنىن تۇسىنەدى، ايىپتاۋشى تاراپتىڭ بەلگىلى ءبىر پروسەدۋرالىق مىندەتى بار، ولار سول تاپسىرمانى ورىنداۋى كەرەك»، - دەيدى زاڭگەر.  

ەرجان ەسىمحانوۆتىڭ سوزىنشە، ادۆوكاتتاردىڭ ءوزىن دورەكى ۇستاۋى دا قالىپتى نارسە. 

ايتا كەتەيىك، 1 ساۋىردە وتكەن سوت وتىرىسىندا قۋاندىق بيشىمبايەۆ سالتانات نۇكەنوۆامەن قارىم-قاتىناسى تۋرالى ءوز نۇسقاسىن ايتقان بولاتىن. سونىمەن قاتار، بيشىمبايەۆ سوتتا سالتاناتتىڭ جەكە ومىرىندەگى بۇرىنعى جايتتار تۋرالى دا ايتتى. 

ودان بولەك، بيشىمبايەۆ ىسكە قاتىستى اقپاراتتار بۇرمالانعانىن مالىمدەدى.  

ەندىگى سوت وتىرىسى 3 ساۋىردە 10.00-دە بولادى. 

27 ناۋرىزدا ەكس-مينيستر قۋاندىق بيشىمبايەۆتىڭ ءىسى بويىنشا القابيلەر تاڭدالعان ەدى. القابيلەر القاسىنا 12 ادام ىرىكتەلدى: 10 – نەگىزگى قۇرام، 2 – قوسالقى. سودان كەيىن اشىق سوت وتىرىستارى باستالدى.

كەيىن قۋاندىق بيشىمبايەۆ سوتتا سالتانات نۇكەنوۆانى اسا قاتىگەزدىكپەن ولتىرگەنىن مويىندامادى.

بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.


ۇسىنىلعان
سوڭعى جاڭالىقتار
تەلە2 - باستىق1
22 ءساۋ. 2024 18:05
x