الماتىدا ٷش جاسار بالا 59 ماگنيت جۇتىپ قويعان, دەپ حابارلايدى dalanews.kz.
قالادا جىل باسىنان بەرٸ ماگنيت جۇتىپ قويعان 15 بالا اۋرۋحاناعا تٷسكەن. بٸر عانا كەزەكشٸلٸك كەزٸندە ٷش بالاعا شۇعىل وتا جاساۋعا تۋرا كەلگەن.
"العاشقى ناۋقاس - 2 جاسار بالا. ول اۋرۋحاناعا ٸشٸ اۋىرسىنۋىنا بايلانىستى جەتكٸزٸلگەن. تەكسەرٸس بارىسىندا دەرٸگەرلەر ونىڭ اعزاسىنان بٶگدە زاتتاردى انىقتادى. شۇعىل جاسالعان وتا كەزٸندە حيرۋرگتەر بالانىڭ اعزاسىنان 25 ماگنيت الدى", - دەدٸ دەرٸگەرلەر.
ارادا بٸرنەشە ساعات ٶتكەندە قابىلداۋ بٶلٸمٸنە 2,5 جاسار تاعى بٸر بالا جەتكٸزٸلگەن. ول قۇسۋ مەن ٸشٸ اۋىرسىنۋىنا شاعىمدانعان. تەكسەرٸستەن كەيٸن دەرٸگەرلەر وعان دا شۇعىل وتا جاساپ, اعزاسىنان 9 ماگنيت العان. وتادان كەيٸن بالا 10 كٷن ستاتسيوناردا ەم قابىلداعان.
"ٷشٸنشٸ بالا كەزەكشٸلٸك اياقتالار كەزدە تٷستٸ. جاسى 4-كە دە تولماعان. ٸشٸ قاتتى اۋىرىپ, ەلسٸزدٸك پەن قۇسۋ بەلگٸلەرٸ بايقالدى. تەكسەرٸس بارىسىندا اسقازان-ٸشەك جولىنان كٶپتەگەن بٶگدە زات انىقتالدى. بالانىڭ اش ٸشەگٸنەن 59 ماگنيت الىپ شىققان كەزدە مۇنداي جاعداي دەرٸگەرلەردٸڭ ٶزٸن تاڭعالدىردى. قاۋٸپتٸ زاتتار اش ٸشەك قابىرعاسىن تەسٸپ ٷلگەرگەن. بۇل 1 تامىزداعى كەزەكشٸلٸك كەزٸندە جاسالعان ەڭ كٷردەلٸ وتالاردىڭ بٸرٸ بولدى", - دەدٸ بالالار شۇعىل مەديتسينالىق كٶمەك كٶرسەتۋ ورتالىعى قابىلداۋ بٶلٸمٸنٸڭ حيرۋرگٸ ايبول سۇلتانبەكوۆ
