Almatyda úsh jasar bala 59 magnit jutyp qoiǵan, dep habarlaidy dalanews.kz.
Qalada jyl basynan beri magnit jutyp qoiǵan 15 bala aýrýhanaǵa túsken. Bir ǵana kezekshilik kezinde úsh balaǵa shuǵyl ota jasaýǵa týra kelgen.
"Alǵashqy naýqas - 2 jasar bala. Ol aýrýhanaǵa ishi aýyrsynýyna bailanysty jetkizilgen. Tekseris barysynda dárigerler onyń aǵzasynan bógde zattardy anyqtady. Shuǵyl jasalǵan ota kezinde hirýrgter balanyń aǵzasynan 25 magnit aldy", - dedi dárigerler.
Arada birneshe saǵat ótkende qabyldaý bólimine 2,5 jasar taǵy bir bala jetkizilgen. Ol qusý men ishi aýyrsynýyna shaǵymdanǵan. Tekseristen keiin dárigerler oǵan da shuǵyl ota jasap, aǵzasynan 9 magnit alǵan. Otadan keiin bala 10 kún statsionarda em qabyldaǵan.
"Úshinshi bala kezekshilik aiaqtalar kezde tústi. Jasy 4-ke de tolmaǵan. Ishi qatty aýyryp, álsizdik pen qusý belgileri baiqaldy. Tekseris barysynda asqazan-ishek jolynan kóptegen bógde zat anyqtaldy. Balanyń ash isheginen 59 magnit alyp shyqqan kezde mundai jaǵdai dárigerlerdiń ózin tańǵaldyrdy. Qaýipti zattar ash ishek qabyrǵasyn tesip úlgergen. Bul 1 tamyzdaǵy kezekshilik kezinde jasalǵan eń kúrdeli otalardyń biri boldy", - dedi Balalar shuǵyl meditsinalyq kómek kórsetý ortalyǵy qabyldaý bóliminiń hirýrgi Aibol Sultanbekov
