جەتكٸزۋ قىزمەتٸندە جۇمىس ٸستەيتٸندەردٸڭ ايتۋىنشا, مۇنداي جاعدايلار سوڭعى ۋاقىتتا جيٸ كەزدەسەدٸ. ولار مەسەلە بٸر عانا الماتىمەن شەكتەلمەي, قازاقستاننىڭ باسقا قالالارىندا دا بايقالا باستاعانىن ايتادى, دەپ حابارلايدى dalanews.kz.
ۇرىلاردىڭ ەرەكەتٸ قاراپايىم: كۋرەر مەيرامحانادا, كٶشەدە نەمەسە تاپسىرىستى جەتكٸزۋ نٷكتەسٸندە باسقا ٸسكە الاڭداپ تۇرعان سەتتە, بەلگٸسٸز ادامدار تەرموسٶمكەنٸڭ سىدىرماسىن اشىپ, ٸشٸندەگٸ تاپسىرىستى الىپ كەتەدٸ.
كۋرەر نەبەرٸ بٸرنەشە مينۋتقا نازارىن باسقا جاققا اۋدارۋى مٷمكٸن. مىسالى, ەكٸنشٸ تاپسىرىستى الۋ, ساموكاتتى قويۋ نەمەسە جۇمىسقا قاتىستى ٶزگە مەسەلەنٸ شەشۋ كەزٸندە سٶمكە قاراۋسىز قالادى. وسى قىسقا ۋاقىتتىڭ ٸشٸندە تاپسىرىستار قولدى بولىپ كەتەتٸن جاعدايلار تٸركەلٸپ جاتىر.
جەتكٸزۋ قىزمەتٸنٸڭ ٶكٸلدەرٸ كۋرەرلەردٸ ساق بولۋعا جەنە تەرموسٶمكەلەرٸن قاراۋسىز قالدىرماۋعا شاقىرىپ وتىر.
