Jetkizý qyzmetinde jumys isteitinderdiń aitýynsha, mundai jaǵdailar sońǵy ýaqytta jii kezdesedi. Olar másele bir ǵana Almatymen shektelmei, Qazaqstannyń basqa qalalarynda da baiqala bastaǵanyn aitady, dep habarlaidy dalanews.kz.
Urylardyń áreketi qarapaiym: kýrer meiramhanada, kóshede nemese tapsyrysty jetkizý núktesinde basqa iske alańdap turǵan sátte, belgisiz adamdar termosómkeniń sydyrmasyn ashyp, ishindegi tapsyrysty alyp ketedi.
Kýrer nebári birneshe minýtqa nazaryn basqa jaqqa aýdarýy múmkin. Mysaly, ekinshi tapsyrysty alý, samokatty qoiý nemese jumysqa qatysty ózge máseleni sheshý kezinde sómke qaraýsyz qalady. Osy qysqa ýaqyttyń ishinde tapsyrystar qoldy bolyp ketetin jaǵdailar tirkelip jatyr.
Jetkizý qyzmetiniń ókilderi kýrerlerdi saq bolýǵa jáne termosómkelerin qaraýsyz qaldyrmaýǵa shaqyryp otyr.
