الماتىدا باۋم توعايىندا 19 جاستاعى قىزدىڭ ٷستٸنە اعاش قۇلاپ, اۋىر جاراقات الدى. قازٸر ول كومادا جاتىر, دەپ حابارلايدى dalanews.kz 24.kz-كە سٸلتەپ.
وقيعا 27 ماۋسىمدا ساعات 15:00 شاماسىندا بولعان. تۋىستارىنىڭ ايتۋىنشا, قىز وتباسىمەن بٸرگە سەرۋەندەپ جٷرگەن كەزدە ٷستٸنە ٷلكەن قۋراعان اعاش قۇلاعان. ولاردىڭ سٶزٸنشە, سول سەتتە قاتتى جەل دە, جاڭبىر دا بولماعان.
جاقىندارىنىڭ مەلٸمەتٸنشە, قىز التىنشى كٷن قاتارىنان كومادا جاتىر. وعان باس سٷيەگٸنٸڭ اۋىر جاراقاتى, سان سٷيەگٸ سىنۋى, اياق سىنىعى جەنە باسقا دا كٶپتەگەن جاراقات دياگنوزى قويىلعان. دەرٸگەرلەر ونىڭ ٶمٸرٸ ٷشٸن كٷرەسٸپ جاتىر. اۋىر باس-مي جاراقاتىنا بايلانىستى مي ٸسٸنۋٸ قاۋپٸ جوعارى ەكەنٸ ايتىلعان.
تۋىستارى باۋم توعايىندا ەلٸ دە قۋراعان ەرٸ قاۋٸپتٸ اعاشتار كٶپ ەكەنٸن ايتىپ, قۇزىرلى ورگانداردى ولاردى تەكسەرٸپ, كەسۋگە شاقىردى.
الماتى ەكٸمدٸگٸ بۇل دەرەك بويىنشا سوتقا دەيٸنگٸ تەرگەۋ باستالعانىن حابارلادى. سونداي-اق, توعاي اۋماعىندا اعاش قۇلاۋ قاۋپٸ بار ەكەنٸن ەسكەرتەتٸن ارنايى بەلگٸلەر ورناتىلعانىن مەلٸمدەدٸ.
ەكٸمدٸك مەلٸمەتٸنشە, باۋم توعايى 1877 جىلى قۇرىلعان. اعاشتاردىڭ 70 پايىزدان استامى تابيعي قارتايۋ كەزەڭٸنە جەتكەندٸكتەن, سىرتتاي ساۋ كٶرٸنەتٸن اعاشتاردىڭ ٶزٸ قۇلاۋى مٷمكٸن.
