الماتى وبلىسىنداعى تالعار شاتقالىندا تاۋعا شىققان تۋريستٸڭ ٷستٸنە تاس قۇلاپ, ول اۋىر جاراقات الدى, دەپ حابارلايدى dalanews.kz.
وقيعا تەڭٸز دەڭگەيٸنەن 2 970 مەتر بيٸكتە بولعان. بۇل تۋرالى حابار تٷسكەننەن كەيٸن قۇتقارۋشىلار دەرەۋ جولعا شىعىپ, زارداپ شەككەن ادامعا جەتكەن. ولار تۋريستكە العاشقى مەديتسينالىق كٶمەك كٶرسەتٸپ, ونىڭ جاعدايىنىڭ اۋىر ەكەنٸن انىقتاعان.
وسىدان كەيٸن قۇتقارۋشىلار تۋريستٸ كٷردەلٸ تاۋلى ايماق ارقىلى كٸشٸ تالعار اسۋىنا دەيٸن الىپ شىققان. ەۆاكۋاتسييا جۇمىسىنا الماتى قالاسى الپينيزم فەدەراتسيياسىنىڭ ەرٸكتٸلەرٸ دە كٶمەكتەستٸ. بٸرلەسكەن جۇمىستىڭ نەتيجەسٸندە زارداپ شەككەن ادام "شىمبۇلاق" تاۋ كۋرورتىنا جەتكٸزٸلدٸ.
ودان ەرٸ تۋريست اپاتتار مەديتسيناسى ورتالىعىنىڭ دەرٸگەرلەرٸنە تاپسىرىلىپ, قالالىق اۋرۋحاناعا جەتكٸزٸلدٸ.
تٶتەنشە جاعدايلار مينيسترلٸگٸ تاۋعا شىعاتىن ازاماتتارعا قاۋٸپسٸزدٸك ەرەجەلەرٸن ساقتاپ, قاۋٸپتٸ ۋچاسكەلەردە بارىنشا ساق بولۋعا كەڭەس بەردٸ.
