الماتىنىڭ يننوۆاسيالىق كومپانياسى قۇرعاقشىلىقپەن كۇرەسۋدىڭ ءتيىمدى جولىن ازىرلەدى

Dalanews 18 ماۋ. 2021 07:37 580

الماتىنىڭ يننوۆاسيالىق عىلىمي-وندىرىستىك كومپانيا اگروونەركاسىپ كەشەنى مەن قورشاعان ورتا قاجەتتىلىكتەرى ءۇشىن ۇشقىشسىز ۇشۋ كەشەنىن جاسادى. كەشەن ەكى پيلوتسىز ۇشۋ اپپاراتىنان جانە جەردەگى مەتەوستانسيادان تۇرادى. ءبىرىنشى درون بورتتاعى مەتەوستانسيامەن جانە قوزعالىس پەن وپەراتور ارەكەتىن تۇزەتۋ ءۇشىن باقىلاۋ جۇيەلەرىمەن جابدىقتالعان. ەكىنشىسى بەلسەندى زاتتى بۇلتقا تىكەلەي شاشادى.

جەردەگى مەتەوستانسيا جەلدىڭ باعىتى مەن جىلدامدىعىن انىقتايدى. Nimbus ەكى قوزعالتقىشتى ۇشقىشىنىڭ تەحنيكالىق سيپاتتامالارى: ۇشۋ ۋاقىتى - 2 ساعات، ءتۇزۋ ۇشۋ قاشىقتىعى – 140 كم، جىلدامدىعى – 72 كم/ساع، ۇشۋدىڭ ماكسيمالدى بيىكتىگى – تەڭىز دەڭگەيىنەن 5500 م. بۇل جاعدايدا ارنايى كومپوزيسيانى شاشىراتاتىن ەكولوگيالىق ءقاۋىپسىز پيروتەحنيكالىق كارتريدجدەر رەاكتيۆ رەتىندە جۇمىس ىستەيدى.

– ءبىز جۇك كوتەرگىشتىگى 10 كەلىگە دەيىن كوتەرەتىن درون جاسادىق، ول بۇلتتى سەبۋگە، ياعني جاساندى جاڭبىر تۋدىرۋعا قولدانىلادى. ءبىز مۇنداي جوبالاردى قوستاناي وبلىسىندا سىناپ جاتىرمىز، الداعى ۋاقتتا ماڭعىستاۋ وبلىسىندادا سىناقتان وتكىزەمىز. قۇرعاقشىلىققا بايلانىستى وسىمدىكتەر عانا زارداپ شەكپەيدى، جانۋارلاردا قينالادى. جاعداي كوڭىلسىز، وزدەرىڭىز بىلەسىزدەر، – دەدى «KazTechInnovations» ج ش س جوبا مەنەدجەرى ەرنۇر تولەگەن.

جاساندى جاڭبىردىڭ كومەگىمەن قاۋاڭشىلىق جىلدارى ورىستەردى سۋارىپ، ءورتتى سوندىرۋگە بولادى. بۇل ادىسپەن قىستا قار جاۋعىزىپ، ورىستەردى قارمەن جابۋ ءۇشىن دە قولدانىلادى. بۇگىنگى كۇنى كومپانيا ءومىردىڭ ءارتۇرلى سالالارىندا يننوۆاسيالىق جوبالاردى جۇزەگە اسىرۋدا – سوتتالعاندارعا ارنالعان ەلەكتروندى بىلەزىكتەر، ەلەكترموبيلدى پلاتفورمالار، قورشاعان ورتانى باقىلاۋ ستانسيالارى، مەتەورولوگيالىق ستانسيالار، ءدارىحانا سەنسورلارى، ەڭبەك قاۋىپسىزدىگى داچيكتەرى، Growgreenme وسىمدىكتەرىن وتىرعىزۋ مونيتورينگى، Robostore اۆتوماتتارى ويلاپ تابىلدى. مۇنايدىڭ توگىلۋىنە قارسى تۇرۋ ءۇشىن سفەرالىق درەيفتى قالتقى تۇرىندە ازىرلەندى.

وسى ۋاقىتتا جاساۋشىلار كوپ سپەكترلى بەينەسى بار كارتاعا تۇسىرۋگە، دەرەكتەردى قورعاۋعا جانە اسكەريلەرگە، ەكولوگتارعا، فەرمەرلەرگە ارنالعان شيفرلاۋمەن ۇشقىشسىز ۇشۋ اپپاراتتارىنا كوپ كوڭىل بولۋدە.

– ەكولوگيا بويىنشا ماسەلەلەر باستالعان كەزدە ءبىزدى ينتەرنەتى زاتتار سالاسى قاتتى قىزىقتىردى. مىسالى، ءبىز سوفت بولىگىن ازىرلەيتىن قازاقستاندىق كومپانيامەن بىرىگىپ، لاستانۋدى باقىلاۋدىڭ اۆتوماتتى جۇيەسى جاساۋعا كۇش سالۋدامىز. جاڭا جوبا دەرەكتەردى دەرەۋ ەكولوگيا مينيسترلىگىنىڭ سەرۆەرلەرىنە جىبەرىلەدى. سونىمەن قاتار، ءبىز پارنيكتىك گازدار مونيتورينگى بويىنشا امەريكا مەن بەلگيانىڭ كومپانيالارمەن بايلانىسقا شىقتىق، ارنايى داچيكتەر ازىرلەۋدى جوسپارلاپ وتىرمىز، – دەيدى «KazTechInnovations» ج ش س باس ديرەكتورى تاير بالبايەۆ.

KTI زاۋىتى «الاتاۋ» يننوۆاسيالىق تەحنولوگيالار پاركىندە ورنالاسقان. بۇل زاۋىت – تولىق سيكلدى ءوندىرىس: ونىڭ وزىندىك كونسترۋكتورلىق بيۋروسى، مەتالل وڭدەۋ، قوسپا تەحنولوگيالارى، كومپوزيسيالىق ماتەريالدار ءوندىرىسى، پلاستماسسا جانە سيليكوندى قالىپتاۋ، گالۆانيكالىق جابىندار جانە ەلەكتروندى بۇيىمداردى ورناتۋ سەحتارى بار. 2021 جىلى «الاتاۋ» يننوۆاسيالىق تەحنولوگيالار پاركىندە 1383 جاڭا جۇمىس ورنىن قۇرايتىن، 44،5 ملرد تەڭگە سوماسىنا 8 جوبانى جۇزەگە اسىرۋ جوسپارلانعان.

ۇسىنىلعان
سوڭعى جاڭالىقتار