الماتىنىڭ كەپتەلٸسٸن شەشۋدٸڭ جولى تابىلدى. مەجٸلٸس دەپۋتاتى دانييار قاسقاراۋوۆ پرەمەر-مينيستر ولجاس بەكتەنوۆكە وسىنداي ساۋال جولدادى, دەپ حابارلايدى Dalanews.kz.
الماتىدا سوڭعى جىلدارى حالىق سانى كٷرت ارتقان.
"كٶشەلەر سەنبٸ-جەكسەنبٸ كٷندەرٸ دە كەپتەلٸستەن كٶز اشپايتىن بولدى. ال قالاعا كٸرٸپ-شىعاتىن جولدارمەن جٷرۋ تٸپتٸ مٷمكٸن ەمەس. بٸر عانا مىسال كەلتٸرەيٸن: الماتى مەن قاسكەلەڭنٸڭ اراسى نەبەرٸ - 20 شاقىرىم. سول جولدى جٷرٸپ ٶتۋ ٷشٸن ەكٸ ساعات ۋاقىت كەتەدٸ. جۇرتتىڭ جٷيكەسٸن توزدىرعان جول ازابىن ازايتۋ ٷشٸن ٷلكەن الماتى اينالما جولى دا (باكاد) سالىنعان بولاتىن. بٸراق ول مەسەلەنٸ مٷلدە شەشپەدٸ", - دەدٸ ول.
تەۋلٸگٸنە الماتىعا سىرتتان 500 مىڭ كٶلٸك كٸرەدٸ ەكەن.
"قالا ٸرگەسٸندەگٸ جولدار مەن ونىڭ كٶلٸك ٶتكٸزۋ قارقىنى مۇنداي نٶپٸرگە ەسەپتەلمەگەن. تٸپتٸ شاھاردىڭ شىعابەرٸستەرٸنە سالىنعان جولايرىقتار مەن كٶپٸرلەر دە كٶمەكتەسپەي جاتىر. ٶيتكەنٸ قالاعا جاقىن ورنالاسقان قاراساي, جامبىل, تالعار, ٸلە اۋداندارىندا بٸر ميلليونعا جۋىق حالىق تۇرادى. سونىڭ باسىم كٶپشٸلٸگٸ الماتىعا كٷندەلٸكتٸ قاتىناپ جۇمىس ٸستەيدٸ, وقيدى نەمەسە بالا-شاعاسىن مەكتەپكە تاسيدى. سالدارىنان قالاعا كٸرٸپ-شىعار جولدار كٷنٸ-تٷنٸ يٸنتٸرەسٸپ تۇرادى", - دەدٸ ول.
دەپۋتات "جول ازابىن" شەشۋدٸڭ بٸرنەشە جولىن ۇسىندى:
- "الماتىنىڭ ورتالىق كٷرە جولى سانالاتىن اباي داڭعىلىن قاسكەلەڭ قالاسىنا دەيٸن ۇزارتۋ كەرەك. بۇل - كٶپ شىعىندى قاجەت ەتپەيتٸن جوبا. ٶيتكەنٸ مەملەكەت مۇقتاجدىعى ٷشٸن الىناتىن جەر تەلٸمدەرٸ مەن كوممەرتسييالىق نىساندار جول بويىندا ٶتە از. سونداي-اق, جول تٷسەتٸن اۋماقتا ينجەنەرلٸك جەلٸلەردٸ كٶشٸرۋ قاجەتتٸلٸگٸ جوق.
- ٷلكەن الماتى اينالما جولىنان ۇزىناعاشقا دەيٸن تاعى بٸر قوسىمشا جول سالۋ كەرەك. ول قىتايدان شىققان جٷك كٶلٸكتەرٸنٸڭ كەپتەلٸسسٸز الماتىنى اينالىپ ٶتۋٸنە مٷمكٸندٸك بەرەدٸ. بۇل تراسسا تٷسەتٸن جەر تەلٸمدەرٸ جەكەمەنشٸككە ساتىلماعان. بولاشاق جول قۇرىلىسى ٷشٸن جەرگٸلٸكتٸ ەكٸمدٸكتٸڭ بالانسىندا تۇر. تەك جوبا دايىنداپ, قۇرىلىستى قازٸر-اق باستاپ كەتۋگە مٷمكٸندٸك بار.
- سايىن كٶشەسٸن ۇزارتىپ, الماتى-استانا تراسساسىنا دەيٸن جەتكٸزۋ كەرەك. بۇل بالقاش, قاراعاندى, استانا باعىتىندا قاتىنايتىن كٶلٸكتەردٸڭ جولىن قىسقارتىپ, ۋاقىتىن ٷنەمدەيدٸ. سونداي-اق, الماتى-قاسكەلەڭ جولىنداعى كٶلٸك جٷكتەمەسٸن ەدەۋٸر ازايتادى".
