قۇرمەتتٸ جەرلەستەر! الماتىلىق جاستار! بٸز, الماتى قالاسىنىڭ اقساقالدار قاۋىمى قازٸر قوعامدا بوپ جاتقان كەيبٸر جاعدايلارعا قاتىستى اسا الاڭداۋلىمىز. راسىن ايتۋ كەرەك, كٷتپەگەن جەردەن باستالعان «قايعىلى قاڭتار» وقيعاسى بارشامىزدى ەسەڭگٸرەتٸپ كەتتٸ.
«ەگەمەندٸك الىپ, ەڭسە تٸكتەۋ ەستە-ەستە, ەلدٸكتەن ايىرىلىپ قالۋ بٸر سەتتە» ەكەندٸگٸن كٶردٸك. سىرتتان سىنالاپ كٸرٸپ, قوعامدى ٸشتەن ٸرٸتكٸسٸ كەلگەن قاسكٷنەمدەر مەن قىلمىسكەرلەر تەۋەلسٸزدٸگٸمٸزدٸڭ تۇعىرىن شايقاپ, تٶڭكەرٸپ تاستاي جازدادى.
پرەزيدەنتٸمٸزدٸڭ دەر كەزٸندە قابىلداعان شۇعىل شەشٸمدەرٸ ارقاسىندا, باتىل تەۋەكەلگە بارىپ, شيراق قيمىلداعانىنىڭ نەتيجەسٸندە عانا كيەلٸ ازاتتىعىمىزدى ساقتاپ قالا الدىق.
قوعام ٸشٸندە جٷرٸپ, قاراپايىم تۇرعىندارمەن كٷندەلٸكتٸ كەزدەسٸپ جٷرمٸز. سول ازاماتتار قازٸر كٶشەدە توپتاسقان ادامدار توبى كٶرٸنسە, ٷرەيلەنٸپ, شوشيتىندارىن ايتادى. بەيبٸت حالىق قاتتى قورقىپ قالعان.
ەسٸرەسە, الماتى قالاسى سودىرلاردىڭ سويقانىنان كٶپ زارداپ شەكتٸ. قانشاما عيمارات ٶرتكە ورانىپ, ساۋدا ورىندارى تونالىپ, ادام شىعىنى ورىن الدى.
بٷگٸنگٸ تاڭدا قالا ەكٸمدٸگٸ سول وقيعالاردىڭ سالدارىن جويۋعا بارىن سالىپ جاتىر. قيراعان, ٶرتەنگەن عيماراتتار مەن ساۋدا ورىندارىن قالپىنا كەلتٸرٸپ, شىعىنعا باتقان كەسٸپكەرلەردٸ قولداپ, جاستارعا جاڭا جۇمىس ورىندارىن اشۋعا ەرەكەتتەنۋدە.
بٸزگە قازٸر وسى ٶتكەن وقيعالاردى دۇرىستاپ سارالاپ, سالقىن اقىلمەن, ساليقالى سابىرمەن كەتكەن قاتەلٸكتەرمەن جۇمىس جاساۋ قاجەت. ول ٷشٸن قوعامنىڭ تىنىشتىعى مەن تۇراقتىلىعى اسا ماڭىزدى.
ٶكٸنٸشكە قاراي, كەيٸنگٸ كەزدە, الماتىمىزدا شەرۋلەتكەن ميتينگٸلەر مەن ايقايعا اتتان قوسقان جيىندار قايتادان كٶبەيٸپ كەتتٸ. ونىڭ ٶزٸ بايىرقالى جيىن, باسالقى كەڭەس قۇرۋ بولسا قۇبا-قۇپ. قالىڭ توپتىڭ ورتاسىنا كٸرٸپ الىپ, كەيبٸر تەرٸس پيعىلدى, ارام ويلى ارانداتۋشىلار ەل اراسىنا ٸرٸتكٸ سالاتىن ۇراندار كٶتەرٸپ, قوعام شاڭىراعىن شايقاپ, بٸرلٸگٸمٸزدٸ ٸرٸتۋدٸ كٶزدەگەندەي.
سٶز جوق, قازاق حالقىنىڭ تاريحىندا «كٷلتٶبەنٸڭ باسىندا كٷندە جيىن جاسايتىن» زامان بولدى. ەل اعالارى باس قوسىپ, القا قۇرىپ اقىل-كەڭەستەرٸمەن بٶلٸستٸ. بٸراق, ونىڭ باستى ەرەكشەلٸگٸ – جٶن سٶزگە توقتايتىن حالىق بولدى.
اتالى سٶزگە قۇلاق اسىپ, پارىقتى پٸكٸرگە باس يەتٸن مٸنەز بار ەدٸ. بٷگٸنگٸ باس قوسۋلار كەرٸسٸنشە داڭعازا دابىر مەن بەيپٸل سٶزدەرگە ۇلاسىپ, قيسىق-قىڭىر, قىسىر قيقۋلارعا تولىپ كەتتٸ. ويعا الۋدىڭ ٶزٸ ۇيات سانالاتىن انايى سٶزدەردٸ قاعازعا جازىپ, ۇران قىلىپ ۇيالماي كٶككە كٶتەرۋدٸ سەن كٶرەتٸن سيىقسىز سالت پايدا بولدى.
بٷگٸنگٸ ۋاقىت اۋمالى-تٶكپەلٸ زامان بولىپ تۇر. اينالىمىزداعى مەملەكەتتەردٸڭ تىنىشتىعى بٸر سەتتە بۇزىلىپ, بەيبٸت تۇرعىندارى شۇبىرىپ, مەملەكەتٸ سوعىس وتىنا ورانىپ جاتقانىن كٶرٸپ جاتىرمىز.
بٸزگە قازٸر ٸشكٸ تىنىشتىق پەن مىزعىماس تۇراقتىلىق اۋاداي قاجەت. جاستاردى, جالپى قوعامدى سابىرعا شاقىرامىز! ەتەك-جەڭٸمٸزدٸ جيىپ, قازٸرگٸ ٶتپەلٸ كەزەڭدە جۇدىرىقتاي جۇمىلىپ, ۇيىمشىلدىق تانىتايىق. اينالامىزدا, ەل ٸشٸندە ورىن الىپ جاتقان كەيبٸر قيىنشىلىقتاردىڭ بارلىعى ۋاقىتشا.
ەل تەۋەلسٸزدٸگٸنٸڭ كەپٸلٸ – تاتۋلىق پەن بٸرلٸكتە. ەلٸمٸزدٸڭ تىنىشتىعى بۇزىلماسىن دەيمٸز. بٸزدٸڭ اتالىق تٸلەگٸمٸز, اقساقالدىق نيەتٸمٸز وسى. ەل ٸشٸنە كٸرٸپ, ىلاڭ سالۋى كٶزدەيتٸن ارانداتۋشىلاردان ساق بولايىق. قوعام بولىپ جۇمىلىپ, بٸرتۇتاس حالىق بولىپ بٸرٸگٸپ, پرەزيدەنتٸمٸزدٸڭ اينالاسىنا توپتاسا الساق ۋاقىتشا سىناقتاردىڭ بارلىعىن ەركٸن ەڭسەرەمٸز. ەلٸمٸز امان, جۇرتىمىز تىنىش, زامانىمىز بەيبٸت بولسىن!
قول قويعاندار
- اسانەلٸ ەشٸموۆ
- مۇرات ەۋەزوۆ
- دۋلات يسابەكوۆ
- كەدٸربەك سەگٸزباەۆ
- سماعۇل ەلۋباەۆ
- بەكسۇلتان نۇرجەكەەۆ
- سەۋلە دوسجان
- سەت توقپاقباەۆ
- جٷرسٸن ەرمان
- تەمٸرحان مەدەتبەك
- زەينەپ احمەتوۆا
- مارفۋعا ايتحوجينا
- اياگٷل ميرازوۆا
- اقان بيجانوۆ
- ناعاشىبەك قاپالبەكۇلى
كەلٸسٸپ, قولداعاندار
- تٶرەگەلدٸ شارمانوۆ
- مەكەمتاس مىرزاحمەتوۆ
- سەبيت ورازباەۆ
- التىنبەك قورازباەۆ
- بيبٸگٷل تٶلەگەنوۆا
- سەيٸت قاسقاباسوۆ
