الماتى قالاسىنىڭ قوعامدىق كەڭىستىكتەردى دامىتۋ باسقارماسى قالادا جايلى قالالىق ورتا قۇرۋعا باعىتتالعان جاڭا جوبانىڭ باستالعانى تۋرالى مالىمدەدى. ءال-فارابي داڭعىلى جانە دۋلاتي كوشەلەرىنىڭ قيىلىسىندا زاماناۋي FLOW پارك سپورت ساياباعىنىڭ قۇرىلىسى ىسكە اسىرىلماق،- دەپ حابارلايدى Dalanews.kz
جوبا جەكە ينۆەستورلار «Kusto Home» ج ش س جانە «Time Group Construction» ءجشس-نىڭ قولداۋىمەن جۇزەگە اسىرىلادى. قۇرىلىسقا 3 ملرد تەڭگە قارجى قۇيىلعان. ساياباق قۇرىلىسى تەك دەمەۋشىلىك قاراجات ەسەبىنەن جۇرگىزىلەدى، بۇعان مەملەكەتتىك بيۋدجەتتەن قارجى بولىنبەيدى.
FLOW ساياباعى قالا تۇرعىندارى مەن قوناقتارى ءۇشىن سالاۋاتتى ءومىر سالتىن ۇستانىپ، سپورتپەن اينالىسۋعا جانە بەلسەندى دەمالىسقا ارنالعان جاڭا دەمالىس ورىنعا اينالماق. بولاشاق ساياباق اۋماعىندا ۆەلوسيپەد جانە جاياۋ جۇگىرۋ جولاقتارى، اشىق اسپان استىنداعى جاتتىعۋ قۇرىلعىلارى، ويىن جانە سپورت الاڭدارى، سونداي-اق، تىنىعۋعا جانە سەرگىتۋگە ارنالعان ايماقتار ورنالاستىرىلادى.
ساياباق بۇرىننان بار لاندشافتپەن تولىق ۇيلەسىم تابادى.
FLOW ساياباعىن سالۋ — مەگاپوليستەگى ءاربىر تۇرعىن مەن قوناققا بەلسەندى ءارى ساپالى دەمالىسقا ارنالعان قولجەتىمدى، ءقاۋىپسىز جانە ينكليۋزيۆتى قالالىق ورتا قالىپتاستىرۋ جولىنداعى كەزەكتى ماڭىزدى قادام.
