بيىل جىل باسىنان باستاپ الماتىدا 280 تۇرعىن ەسكٸ ٷيدەگٸ تۇرعىندار جاڭا تۇرعىن ٷيگە كٶشٸرٸلدٸ. بۇل «2021-2025 جىلدارعا ارنالعان تۇرعىن ٷي قورىن جاڭارتۋ باعدارلاماسى» اياسىندا جاسالدى, – دەپ حابارلايدى Dalanews.kz «الماتى» ەكك» اق-عا سٸلتەمە جاساپ.
«الماتى» ەكك» الماتى قالاسى ەكٸمدٸگٸنٸڭ كٷردەلٸ قۇرىلىس كەسٸپورنى» جشس-مەن بٸرلەسٸپ 280 تۇرعىندى قونىستاندىردى. بۇرىن قالانىڭ ەۋەزوۆ, الاتاۋ, بوستاندىق, جەتٸسۋ جەنە مەدەۋ اۋداندارىندا پايدالانۋ مەرزٸمٸ ٶتكەن 10 ٷيدە تۇرعان 70 وتباسى زاماناۋي تۇرعىن ٷي كەشەندەرٸنەن جايلى جاڭا پەتەرلەردٸڭ كٸلتٸن الدى.
بيىل جىل سوڭىنا دەيٸن الماتىدا 54 ەسكٸ ٷيدٸڭ تاعى 2 180 تۇرعىنىن جاڭا ٷيمەن قامتاماسىز ەتۋ جوسپارلانىپ وتىر.
جاڭارتۋ باعدارلاماسى اياسىندا ادامداردىڭ ٶمٸرٸنە قاۋٸپ تٶندٸرەتٸن جارامسىز ەرٸ مەرزٸمٸ ٶتكەن توزىعى جەتكەن ٷيلەر بۇزىلادى. ولاردىڭ ورنىندا سپورت الاڭدارى, پاركينگ جەنە ماڭىزدى ەلەۋمەتتٸك نىساندارى بار زاماناۋي تۇرعىن ٷي كەشەندەرٸ سالىنۋدا.
باعدارلامانىڭ شارتىنا سەيكەس, ەسكٸ تۇرعىن ٷي يەلەرٸ جاڭا ٷيدەن بٸردەي پەتەر الادى. سونىمەن قاتار, جاڭا پەتەر ورتا ەسەپپەن 10 شارشى مەترگە كٶپ. جاڭا پەتەر يەلەرٸنە قوسىمشا شارشى مەتر ٷشٸن قوسىمشا اقى تٶلەۋدٸڭ قاجەتٸ جوق. پەتەرلەر تازا ەرلەۋمەن بەرٸلەدٸ. ٷيلەرگە ينتەرنەت تارتىلدى, ٶرتكە قارسى دابىل ورناتىلدى, سانتەحنيكا مەن فايانس, گاز نەمەسە ەلەكتر پليتاسى قاراستىرىلعان.
قۇرىلىس كەزٸندە تۇرعىندارعا تەگٸن ۋاقىتشا تۇرعىن ٷي بەرٸلەدٸ. سونداي-اق, تۇرعىنداردىڭ كٷردەلٸ قۇرىلىس كەسٸپورنىنىڭ تۇرعىن ٷي قورىنان دايىن ٷيگە تۇراقتى تۇرۋعا كٶشۋ مٷمكٸندٸگٸ بار.
– تۇرعىن ٷي قورىن جاڭارتۋ باعدارلاماسى كەڭ تانىلىپ, قالا تۇرعىندارىنىڭ سەنٸمٸنە يە بولدى. الماتىلىقتار جاڭا ٷيلەرگە قۋانا كٶشۋدە, بۇل ولاردىڭ تۇرعىن ٷي جاعدايىن, سونداي-اق قالانىڭ كەلبەتٸن جاقسارتۋعا مٷمكٸندٸك بەرەدٸ.
بٷگٸنگٸ تاڭدا 2030 جىلعا دەيٸن جاڭارتۋ باعدارلاماسىنىڭ جوباسى ەزٸرلەنگەن. وندا ەسكٸ ٷيلەردٸڭ يەلەرٸ, ينۆەستورلار مەن ۋەكٸلەتتٸ ۇيىمدار اراسىنداعى قارىم-قاتىناستى رەتتەۋ سيياقتى جاڭا تەتٸكتەر كٶزدەلەدٸ, ەسكٸ پەتەردٸ بەرۋ تەرتٸبٸ كٶرسەتٸلگەن. ايتالىق, 2023 جىلى قابىلدانعان قالانىڭ جاڭا باس جوسپارى ەسكەرٸلەدٸ. وسى شارالاردىڭ بارلىعى تۇرعىنداردى ەسكٸ ٷيلەردەن جايلى پەتەرلەرگە كٶشٸرۋ قارقىنىن جەدەلدەتۋگە مٷمكٸندٸك بەرەدٸ, – دەدٸ «الماتى قالاسى ەكٸمدٸگٸنٸڭ كٷردەلٸ قۇرىلىس كەسٸپورنى» باسقارما تٶراعاسىنىڭ ورىنباسارى التىنبەك نۇراتۇلى.
جاڭا جاڭعىرتۋ باعدارلاماسىنىڭ جوباسىن مەسليحات دەپۋتاتتارى, قوعامدىق كەڭەس, «اتامەكەن» ۇكپ-مەن جەنە بيزنەس قوعامداستىق ٶكٸلدەرٸ الدىن الا تالقىلاعان.
