Biyl jyl basynan bastap Almatyda 280 turǵyn eski úidegi turǵyndar jańa turǵyn úige kóshirildi. Bul «2021-2025 jyldarǵa arnalǵan turǵyn úi qoryn jańartý baǵdarlamasy» aiasynda jasaldy, – dep habarlaidy Dalanews.kz «Almaty» ÁKK» AQ-ǵa silteme jasap.
«Almaty» ÁKK» Almaty qalasy ákimdiginiń kúrdeli qurylys kásiporny» JShS-men birlesip 280 turǵyndy qonystandyrdy. Buryn qalanyń Áýezov, Alataý, Bostandyq, Jetisý jáne Medeý aýdandarynda paidalaný merzimi ótken 10 úide turǵan 70 otbasy zamanaýi turǵyn úi keshenderinen jaily jańa páterlerdiń kiltin aldy.
Biyl jyl sońyna deiin Almatyda 54 eski úidiń taǵy 2 180 turǵynyn jańa úimen qamtamasyz etý josparlanyp otyr.
Jańartý baǵdarlamasy aiasynda adamdardyń ómirine qaýip tóndiretin jaramsyz ári merzimi ótken tozyǵy jetken úiler buzylady. Olardyń ornynda sport alańdary, parking jáne mańyzdy áleýmettik nysandary bar zamanaýi turǵyn úi keshenderi salynýda.
Baǵdarlamanyń shartyna sáikes, eski turǵyn úi ieleri jańa úiden birdei páter alady. Sonymen qatar, jańa páter orta eseppen 10 sharshy metrge kóp. Jańa páter ielerine qosymsha sharshy metr úshin qosymsha aqy tóleýdiń qajeti joq. Páterler taza árleýmen beriledi. Úilerge internet tartyldy, órtke qarsy dabyl ornatyldy, santehnika men faians, gaz nemese elektr plitasy qarastyrylǵan.
Qurylys kezinde turǵyndarǵa tegin ýaqytsha turǵyn úi beriledi. Sondai-aq, turǵyndardyń kúrdeli qurylys kásipornynyń turǵyn úi qorynan daiyn úige turaqty turýǵa kóshý múmkindigi bar.
– Turǵyn úi qoryn jańartý baǵdarlamasy keń tanylyp, qala turǵyndarynyń senimine ie boldy. Almatylyqtar jańa úilerge qýana kóshýde, bul olardyń turǵyn úi jaǵdaiyn, sondai-aq qalanyń kelbetin jaqsartýǵa múmkindik beredi.
Búgingi tańda 2030 jylǵa deiin jańartý baǵdarlamasynyń jobasy ázirlengen. Onda eski úilerdiń ieleri, investorlar men ýákiletti uiymdar arasyndaǵy qarym-qatynasty retteý siiaqty jańa tetikter kózdeledi, eski páterdi berý tártibi kórsetilgen. Aitalyq, 2023 jyly qabyldanǵan qalanyń jańa bas jospary eskeriledi. Osy sharalardyń barlyǵy turǵyndardy eski úilerden jaily páterlerge kóshirý qarqynyn jedeldetýge múmkindik beredi, – dedi «Almaty qalasy ákimdiginiń kúrdeli qurylys kásiporny» Basqarma tóraǵasynyń orynbasary Altynbek Nuratuly.
Jańa jańǵyrtý baǵdarlamasynyń jobasyn máslihat depýtattary, qoǵamdyq keńes, «Atameken» UKP-men jáne biznes qoǵamdastyq ókilderi aldyn ala talqylaǵan.
