الماتى پوليسياسى كولىك قۇرالدارىنىڭ تەحنيكالىق بايقاۋدان ءوتۋىن باقىلاۋدى كۇشەيتتى،- دەپ حابارلايدى Dalanews.kz
تەكسەرۋ بارىسىندا تەحنيكالىق بايقاۋدىڭ فورمالدى جانە جالعان جۇرگىزىلگەن جاعدايلارى انىقتالدى. بۇل جولداعى قاۋىپسىزدىككە قاتەر توندىرەدى.
جول قوزعالىسى قاۋىپسىزدىگى اۆتوكولىكتىڭ تەحنيكالىق جارامدىلىعىنا تىكەلەي بايلانىستى. ءاربىر كولىك قۇرالى قاۋىپسىزدىك تالاپتارىنا ساي بولۋى ءتيىس.
- جول قوزعالىسىنىڭ قاۋىپسىزدىگى ەڭ الدىمەن تەحنيكالىق تۇرعىدان جارامدى كولىكتەن باستالادى. تەحنيكالىق بايقاۋدى فورمالدى تۇردە وتكىزۋگە جول بەرىلمەيدى. ءبىز زاڭ اياسىندا ارەكەت ەتە وتىرىپ، قالا كوشەلەرىنە شىققان ءاربىر اۆتوكولىكتىڭ قاۋىپسىزدىك تالاپتارىنا تولىق سايكەس بولۋىن قامتاماسىز ەتەمىز، – دەدى الماتى قالاسى پوليسيا دەپارتامەنتى اكىمشىلىك پوليسيا باسقارماسىنىڭ باستىعى اسحات قۇلبايەۆ.
پوليسيا زاڭ تالاپتارىنىڭ ورىندالۋىن قاتاڭ باقىلايدى جانە قۇقىق بۇزۋشىلىقتىڭ الدىن الۋدى جالعاستىرادى.
2025 جىل قۇقىق بۇزۋشىلىقتىڭ الدىن الۋ جىلى بولىپ جاريالانعان، سوندىقتان جولداعى قاۋىپسىزدىك ماسەلەلەرىنە ەرەكشە نازار اۋدارىلىپ وتىر.
