الماتىدا قالانى سانيتارلىق تازالاۋدىڭ جاڭا جٷيەسٸ ەنگٸزٸلۋدە. ەندٸ ەر اۋدانعا بٸر مەردٸگەر بەكٸتٸلەدٸ. ول كٶشەلەردٸڭ, تروتۋارلاردىڭ, ارىقتاردىڭ, ايالدامالاردىڭ جەنە جاسىل ايماقتاردىڭ تازالىعىنا تولىق جاۋاپ بەرەدٸ. بۇل تۋرالى الماتى ەكٸمٸنٸڭ ورىنباسارى الماسحان سماتلاەۆ ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە مەلٸمدەدٸ, دەپ حابارلايدى Dalanews.kz
كوممۋنالدىق قىزمەتكەرلەر سانى ەكٸ ەسەگە ارتىپ, 3175 ادامعا جەتتٸ. جالاقى 170 مىڭ تەڭگەدەن 350 مىڭ تەڭگەگە دەيٸن كٶتەرٸلدٸ. تەۋلٸك بويى ٷش اۋىسىمدىق جۇمىس كەستەسٸ ەنگٸزٸلدٸ, 300-دەن استام جاڭا تەحنيكا الىنىپ جاتىر.
«بۇرىن بٸر كٶشەدە بٸرنەشە كومپانييا قاتار جۇمىس ٸستەپ, تٷسٸنٸسپەۋشٸلٸك تۋىندايتىن. ەندٸ «قاسبەتتەن قاسبەتكە دەيٸن» قاعيداتىنىڭ ەنگٸزٸلۋٸ تەرتٸپ پەن ٷيلەسٸمدٸلٸكتٸ جوعارىلاتادى», – دەدٸ الماسحان سماتلاەۆ.
تەكسەرٸستەردٸڭ نەتيجەسٸ بويىنشا ەكٸمدٸك تەك قاجەتتٸ رەسۋرستارى بار بەس مەردٸگەرمەن عانا جۇمىسىن جالعاستىرادى. قالعاندارى اۋىستىرىلادى. مۇنداي تەسٸل قالانىڭ سانيتارلىق جاعدايىن ەدەۋٸر جاقسارتىپ, تۇرعىندار ٷشٸن قولايلى ورتا قالىپتاستىرۋعا مٷمكٸندٸك بەرەدٸ.
