ءدىني قىزمەتكەرلەر جينالعاندارمەن بىرگە دۇعا ەتىپ، بەيبىتشىلىك پەن كەلىسىمنىڭ ماڭىزى تۋرالى ۋاعىزدار وقىدى. مەموريالعا كەلۋشىلەر ءۇشىن مەشىتتەردە تۇسكى ەسكە الۋ استارى ۇيىمداستىرىلىپ، كولىك دايىندالدى. بۇگىن قالا مەشىتتەرىندە قۇرباندىق شالۋ راسىمدەرى دە ءوتتى.
ەسكە سالسا، بۇرىندارى الماتى اكىمى ەربولات دوسايەۆ، قوعام قايراتكەرلەرى مەن شىعارماشىلىق زيالى قاۋىم وكىلدەرى قاڭتار وقيعالارى كەزىندە قازا تاپقانداردى ەسكە الۋ ءۇشىن الماتىنىڭ ورتالىق مەشىتىندە قۇران باعىشتاپ، "قۇربان شالۋ" ءراسىمىن جاساعان بولاتىن.
مەشىتكە كەلگەندەردىڭ قاتارىندا ق ر ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆ، جازۋشى، ق ر مەملەكەتتىك سىيلىعىنىڭ لاۋرەاتى نۇرلان ورازالين، "تۇران" ۋنيۆەرسيتەتىنىڭ رەكتورى راحمان الشانوۆ، "انا ءتىلى" گازەتىنىڭ باس رەداكتورى قالي سارسەنباي، تۇركى مەملەكەتتەرى ۇيىمى اقساقالدار كەڭەسىنىڭ مۇشەسى يكرام ادىربەكوۆ، رەسپۋبليكالىق "ارداگەرلەر ۇيىمى" قوعامدىق بىرلەستىگى الماتى قالالىق فيليالىنىڭ ءتوراعاسى اقان بيجانوۆ، "جۇلدىز" جۋرنالىنىڭ باس رەداكتورى مەرەكە قۇلكەنوۆ، قازاقستان جازۋشىلار وداعى ءتوراعاسىنىڭ ورىنباسارى اقبەرەن ەلگەزەك جانە ت.ب. بار.
